សេវាបន្ទាន់អ៉ីអនកាត

ម៉ោងដំណើរការ៖ ថ្ងៃច័ន្ទ ដល់ ថ្ងៃអាទិត្យ (២៤ម៉ោង)

+855 23 988 655

+855 10 988 655

+855 95 555 895

ទំនាក់ទំនងអនឡាញ

ធនាគារឯកទេសអ៊ីអន (កម្ពុជា) ភីអិលស៊ី យើងខ្ញុំជឿជាក់ថា រាល់មតិកែលម្អ និងពាក្យបណ្តឹងរបស់អតិថិជន គឺជាឱកាសសម្រាប់យើងខ្ញុំក្នុងការ​​អភិវឌ្ឍ និងបម្រើសេវាកម្មឱ្យកាន់តែប្រសើរឡើង។ គោលដៅរបស់យើងគឺធ្វើឱ្យដំណើរការដោះស្រាយបញ្ហាមានភាពរលូន តម្លាភាព និងគោរពពេលវេលារបស់អ្នកឱ្យបានច្រើនបំផុត។

ដំណើរការដោះស្រាយពាក្យបណ្តឹងមាន៣ជំហានដូចខាងក្រោម

យើងខ្ញុំប្តេជ្ញាដោះស្រាយរាល់កង្វល់របស់អ្នកតាមរយៈដំណើរការដែលមានភាពច្បាស់លាស់ យុត្តិធម៌ និងមានប្រសិទ្ធភាព។

ជំហានទី ១៖ ទំនាក់ទំនងរហ័ស – ការទាក់ទងលើកដំបូង

ប្រសិនបើ​លោក​អ្នក​មិន​ពេញចិត្ត​នឹង​សេវាកម្ម​ដែល​ផ្តល់​ជូន​លោក​អ្នក​ ជំហាន​ដំបូង​ ត្រូវ​ទាក់ទង​មក​កាន់​យើងខ្ញុំ​ តាម​រយៈ​បណ្តាញ​ ដូច​ខាងក្រោម​៖

• ទូរស័ព្ទ៖ +855 23 988 555 | +855 78 988 555 | +855 70 988 555
• បណ្តាញឌីជីថល៖ info@aeon.com.kh | ទំព័រហ្វេសប៊ុក៖ www.facebook.com/aeonbank.kh
• ដោយផ្ទាល់៖ សូមអញ្ជើញមកកាន់សាខាធនាគារអ៊ីអនណាមួយដែលនៅជិតបំផុត

ជា​ធម្មតា​ សំណើ​របស់​លោក​អ្នក​អាច​ត្រូវ​បាន​ដោះស្រាយ​យ៉ាង​លឿន​នៅ​ក្នុង​ជំហាន​ទី​១ ក្នុងរយៈពេល ០១ថ្ងៃ ទៅ ០២ថ្ងៃនៃថ្ងៃធ្វើការ។ ប្រសិនបើ​លោក​អ្នក​នៅ​តែ​មិន​ទាន់ពេញចិត្តទាំងស្រុងជាមួយនឹងដំណោះស្រាយដំបូងនេះទេ​​ សូម​បន្ត​ទៅ​ជំហាន​ទី២។

ជំហានទី ២៖ ​​​ដាក់​បណ្តឹង​ជា​ផ្លូវការ

ប្រសិនបើបញ្ហារបស់អ្នកនៅតែមិនទាន់បានដោះស្រាយ លោកអ្នកអាចដាក់ពាក្យបណ្តឹងជាផ្លូវការមក​កាន់​ក្រុមការងារទទួលបន្ទុកដោះស្រាយបណ្តឹងតវ៉ារបស់យើង។ ការធ្វើបែបនេះ គឺដើម្បីធានាបាននូវការពិនិត្យយ៉ាងល្អិតល្អន់ យុត្តិធម៌ និងមានវត្ថុបំណងច្បាស់លាស់។

​សូម​បំពេញ​ទម្រង់​ទទួល​បណ្តឹង​របស់​អតិថិជន និង​ចុច​បញ្ជូន​។​ អ្នកជំនាញ​ផ្នែក​ដោះស្រាយ​បណ្តឹង​ និង​វិវាទ​ នឹង​ទាក់ទង​លោក​អ្នក​ភ្លាមៗ​​។

• រយៈពេលនៃការដោះស្រាយ៖ បណ្តឹងមានរយៈពេល ៣០ ថ្ងៃ (ប្រតិទិន) គិតចាប់ពីថ្ងៃទទួលបានពាក្យបណ្តឹងជាផ្លូវការរបស់លោកអ្នក។
• ករណីលើកលែង៖ សម្រាប់ករណីស្មុគស្មាញ យើងអាចត្រូវការពេលវេលារហូតដល់ ៤៥ ថ្ងៃ(ប្រតិទិន) ឬអាស្រ័យលើច្បាប់ស្នូលរបស់បណ្តាញកាត (Card Scheme Core Rules)។ យើងនឹងផ្តល់ជូនអ្នកនូវការពន្យល់ជាលាយលក្ខណ៍អក្សរ និងព័ត៌មានថ្មីៗជាប្រចាំ ប្រសិនបើមាន។

ជំហានទី ៣៖ ការពិនិត្យចុងក្រោយ

ប្រសិនបើអ្នកនៅតែមិនពេញចិត្តចំពោះលទ្ធផល លោកអ្នកមានសិទ្ធិស្នើសុំការពិនិត្យឡើងវិញចុងក្រោយ។ ករណីរបស់អ្នកនឹងត្រូវបញ្ជូនបន្តទៅកាន់​គណៈកម្មាធិការ​ដោះស្រាយ​បណ្តឹង។ ការសម្រេចចិត្តរបស់គណៈកម្មាធិការនេះគឺជាការសម្រេចចុងក្រោយ និងបញ្ចប់ដំណើរការដោះស្រាយផ្ទៃក្នុងរបស់ធនាគារ។

ព័ត៌មានសំខាន់សម្រាប់ពាក្យបណ្តឹងជាផ្លូវការរបស់អ្នក

ដើម្បីជួយឱ្យយើងខ្ញុំស៊ើបអង្កេតប្រកបដោយប្រសិទ្ធភាព សូមផ្តល់ព័ត៌មានដូចខាងក្រោម៖

• កាលបរិច្ឆេទ ពេលវេលា និងទីកន្លែងកើតហេតុតាមលំដាប់លំដោយ។
• ឈ្មោះបុគ្គលិក ឬនាយកដ្ឋានរបស់ធនាគារដែលអ្នកធ្លាប់ទាក់ទងពីមុន។
• ឯកសារគាំទ្រពាក់ព័ន្ធ (ឧ. បង្កាន់ដៃប្រតិបត្តិការ រូបថតអេក្រង់ ឬលិខិតឆ្លើយតបតាមអ៊ីមែល)។

ទំនាក់ទំនងអនឡាញ

កំណត់សម្គាល់សំខាន់ៗ៖

• រយៈពេលកំណត់៖ពាក្យបណ្តឹងត្រូវដាក់ក្នុងរយៈពេល ៦០ (ហុកសិប) ថ្ងៃ គិតចាប់ពីថ្ងៃដែលអ្នកបានដឹងអំពីបញ្ហានោះ។
• ការរក្សាការសម្ងាត់៖រាល់ព័ត៌មានដែលអ្នកផ្តល់ជូន នឹងត្រូវរក្សាទុកជាការសម្ងាត់បំផុត ហើយនឹងត្រូវប្រើប្រាស់សម្រាប់គោលបំណងស៊ើបអង្កេត និងដោះស្រាយករណីរបស់លោកអ្នកតែប៉ុណ្ណោះ។
• ការដកពាក្យបណ្តឹង៖អ្នកមានសិទ្ធិដកពាក្យបណ្តឹងជាផ្លូវការរបស់អ្នកនៅពេលណាក៏បាន ដោយគ្រាន់តែជូនដំណឹងមកកាន់ក្រុមការងាររបស់យើងខ្ញុំ។
• ការដាក់ពាក្យបណ្តឹងតវ៉ាទៅកាន់ធនាគារជាតិនៃកម្ពុជា៖ ប្រសិនបើអតិថិជនមិនទទួលយកដំណោះស្រាយរបស់ធនាគារទេ អតិថិជនមានសិទ្ធិដាក់បណ្តឹងតវ៉ាបន្តទៅកាន់ធនាគារជាតិនៃកម្ពុជា (NBC)។