Eng 
ខ្មែរ 
ក្រដាសប្រាក់លែងជារូបបិយវត្ថុចំបងទៀតហើយ ឥឡូវនេះលោកអ្នកអាចទិញទំនិញ ធ្វើការទូទាត់ ផ្ញើប្រាក់ និងសន្សំពិន្ទុដោយផ្ទាល់ពីទូរស័ព្ទដៃរបស់លោកអ្នកជាមួយអ៉ីអនវ៉លឡេត។
ទាញយកកម្មវិធីអ៉ីអនវ៉លឡេតឥឡូវនេះ
គ្រាន់តែស្កេន QR កូដ នៅហាងដែលជាដៃគូសហការរបស់ អ៉ីអនវ៉លឡេត ដើម្បីធ្វើការទូទាត់
ដកប្រាក់/ដាក់ប្រាក់ និងផ្ញើប្រាក់
កាន់តែងាយស្រួលក្នុងការបញ្ចូលទឹកប្រាក់ទៅក្នុងទូរស័ព្ទ របស់លោកអ្នក
លោកអ្នកអាចទទួលបានពិន្ទុរាល់ការចំណាយ ពិន្ទុអាចប្តូរជា សាច់ប្រាក់អេឡិចត្រូនិចក្នុងគណនីរបស់លោកអ្នក
ជាមួយនឹងកម្មវិធីទូរស័ទ្ទដៃសម្រាប់ទូទាត់ប្រាក់ អ៉ីអនវ៉លឡេត (“កម្មវិធី”) របស់ធនាគារឯកទេស អ៉ីអន (ខេមបូឌា) ភីអិលស៊ី (“ធនាគារ”) យើងបានពង្រឹងនូវការការពារ ឯកជនភាពរបស់អតិថិជនដោយប្រើប្រាស់នូវគោលការណ៍នៃការប្រមូល ការប្រើប្រាស់ និងការបង្ហាញព័ត៌មានទាំងអស់ដែលអតិថិជនបានផ្តល់អោយ។
ព័ត៌មានដែលអាចកំណត់អត្តសញ្ញាណផ្ទាល់ខ្លួន ត្រូវបានរាប់បញ្ចូលនូវព័ត៌មានទាំងឡាយណាដែលប្រើសម្រាប់សម្គាល់អ្នកប្រើប្រាស់នីមួយៗ។
១. ការប្រមូលព័ត៌មាន
ដើម្បីចុះឈ្មោះជា អ្នកប្រើប្រាស់ថ្នាក់ដំបូង ក្នុងការប្រើប្រាស់កម្មវិធី លោកអ្នកត្រូវផ្តល់នូវ លេខទូរស័ព្ទដៃ ឈ្មោះពេញ ភេទ និងថ្ងៃខែឆ្នាំកំណើតតែប៉ុណ្ណោះ។ ប្រសិនបើលោកអ្នកធ្វើការចុះឈ្មោះជា អ្នកប្រើប្រាស់ពេញលេញ លោកអ្នកត្រូវផ្តល់នូវព័ត៌មានផ្ទាល់ខ្លួន រួមមាន លេខទូរស័ព្ទដៃ នាមខ្លួន នាមត្រកូល ភេទ ថ្ងៃខែឆ្នាំកំណើត សញ្ជាតិ ខេត្ត/ក្រុង ស្រុក/ខណ្ឌ ប្រភេទឯកសារបញ្ជាក់អត្តសញ្ញាណស្របច្បាប់ លេខអត្តសញ្ញាណបណ្ណ ឬលេខលិខិតឆ្លងដែន ថ្ងៃផុតសុពលភាព និងអាសយដ្ឋានអ៉ីម៉េល របស់លោកអ្នក។
កម្មវិធីនេះ នឹងធ្វើការប្រមូល រក្សាទុក និងដំណើរការ ទៅតាមប្រភេទនៃព័ត៌មានសំខាន់ផ្ទាល់ខ្លួនរបស់លោកអ្នកដូចខាងក្រោម ដើម្បីផ្តល់ជូនផលិតផល និងសេវាកម្មរបស់យើងតាមរយៈទូរស័ព្ទដៃ។
យើងខ្ញុំនឹងរក្សាទុកផងដែរ នូវព័ត៌មានដែលទាក់ទងនឹង ការប្រើប្រាស់សេវាកម្មជាមួយនឹងកម្មវិធីទូរស័ព្ទរបស់យើងខ្ញុំដូចខាងក្រោមនេះ៖
ក. កាមេរ៉ា និងរូបភាពរបស់អ្នកប្រើប្រាស់
ព័ត៌មាននេះ នឹងត្រូវបានប្រើសម្រាប់ទទួលយករូបភាពពីការរក្សាទុកក្នុងមូលដ្ឋានរបស់អ្នកប្រើប្រាស់ ដើម្បីយកមកដាក់ជា Profile Picture នៅក្នុងកម្មវិធីទូរស័ព្ទដៃនេះ។ គ្មានរូបភាពណាមួយនឹងត្រូវបានផ្ញើតាមរយៈអ៉ីនធឺណេត ឬប្រមូលយកដោយប្រព័ន្ធណាមួយឡើយ។
ខ. បណ្តាញ និងការចូលប្រើប្រាស់អ៉ីនធឺណេត
កម្មវិធីនេះបានភ្ជាប់ទៅនឹង API ដែលបានបង្កើតឡើងក្នុងការប្រើប្រាស់នូវរាល់ប្រតិបត្តិការទាំងអស់ដែលមាននៅក្នុងកម្មវិធីនេះ។ នេះជាការអនុញ្ញាតអោយមានការភ្ជាប់ការប្រើប្រាស់ទៅនឹងប្រព័ន្ធអ៉ីនធឺណេត ក៏ដូចជាដើម្បីភ្ជាប់ទៅប្រព័ន្ធអ៉ីនធឺណេតប្រសិនបើមានការដាច់តំណរភ្ជាប់។
ខ. ការទាញយកលេខទំនាក់ទំនង
កម្មវិធីនេះ នឹងទាញយកនូវលេខទូរស័ព្ទសម្រាប់ទំនាក់ទំនងរបស់អ្នកប្រើប្រាស់ ដើម្បីបង្ហាញលេខទូរស័ព្ទទាំងនោះនៅលើកម្មវិធីឲ្យអតិថិជនជ្រើសរើស ក្នុងការបញ្ចូលទឹកប្រាក់ ជំនួសអោយការវាយបញ្ចូលនូវលេខទូរស័ព្ទទាំងអស់ និងអាចធ្វើការផ្ទេរប្រាក់ទៅកាន់ សមាជិក និងអ្នកដែលមិនមែនជាសមាជិកអ៉ីអនវ៉លឡេតផ្សេងទៀត។
គ. សារ SMS របស់អ្នកប្រើប្រាស់
កម្មវិធីនេះ អាចធ្វើការផ្ញើ និងទទួល នូវសារ SMS តាមរយៈឧបករណ៍អេឡិត្រូនិចរបស់អ្នកប្រើប្រាស់ ដើម្បីបញ្ជូនបន្តនូវរាល់ការស្នើសុំធ្វើប្រតិបត្តិការ និងការបញ្ជាក់ស្ថានភាពប្រតិបត្តិការ នៅពេលដែលមិនមាន ប្រព័ន្ធអ៉ីនធឺណេត។ អ្នកប្រើប្រាស់ ជាអ្នកបង់ថ្លៃសេវាក្នុងការផ្ញើសារ SMS ដោយផ្អែកលើតម្លៃសេវារបស់អ្នកផ្គត់ផ្គង់បណ្តាញសេវានេះ ប៉ុន្តែអ្នកប្រើប្រាស់នឹងមិនត្រូវបានគិតកម្រៃសេវាលើការទទួលបានសារ SMS នោះទេ។
ឃ. ការអនុញ្ញាតក្នុងការកំណត់ទីតាំងច្បាស់លាស់
មុខងារជាក់លាក់មួយចំនួនដូចជាទីតាំងរបស់ភ្នាក់ងារ ទាមទារឲ្យមានការអនុញ្ញាតប្រើប្រាស់សេវាកម្មកំណត់ទីតាំងច្បាស់លាស់របស់អ្នកប្រើប្រាស់ ដើម្បីបង្ហាញភ្នាក់ងារដែលនៅជិត នៅក្នុងផែនទី។ កម្មវិធីនេះ នឹងណែនាំអ្នកប្រើប្រាស់នូវភ្នាក់ងារដែលនៅជិតបំផុត។
២. ការប្រើប្រាស់ព័ត៌មាន
ព័ត៌មានដែលបានប្រមូលពីលោកអ្នកនឹងត្រូវបានប្រើប្រាស់នៅក្នុងគោលបំណងដូចជា៖
៣. ការបង្ហាញព័ត៌មាន
ព័ត៌មានរបស់លោកអ្នកនឹងត្រូវរក្សាទុកជាការសម្ងាត់ ហើយនឹងមិនត្រូវបានបង្ហាញដល់ភាគីផ្សេងទៀតណាមួយឡើយ លើកលែងតែតម្រូវដោយច្បាប់ និង/ឬមានការយល់ព្រមពីលោកអ្នក។
យើងខ្ញុំនឹងរក្សាទុកកំណត់ហេតុនៃសកម្មភាពទាំងឡាយណាដែលលោកអ្នកបានធ្វើ ដោយប្រើប្រាស់បច្ចេកវិទ្យាអ៉ីនធឺណេតផ្សេងៗដូចជា web cookies, server log files ជាដើម ដើម្បីវិភាគគោលបំណង និងវិភាគពីទំនាក់ទំនងនៃមុខងារផ្សេងៗនៅលើគេហទំព័ររបស់យើងខ្ញុំ។ ព័ត៌មានទាំងនេះនឹងត្រូវបានប្រើប្រាស់ដើម្បីផ្តល់ជូនលោកអ្នកនូវបទពិសោធន៍កាន់តែប្រសើរឡើងជាមួយកម្មវិធីរបស់យើងខ្ញុំ រួមជាមួយនឹងភស្តុតាងនៃគោលបំណងទាំងអស់។
ក្នុងករណីដែលលោកអ្នកមិនផ្តល់ព័ត៌មាន ឬមិនអនុញ្ញាតឲ្យប្រើប្រាស់ព័ត៌មានផ្ទាល់ខ្លួនរបស់លោកអ្នក ឬបានធ្វើការដកយកការយល់ព្រមវិញនៅពេលក្រោយ លើការប្រើប្រាស់ព័ត៌មានផ្ទាល់ខ្លួនរបស់លោកអ្នកដែលប្រមូលបាន នោះកម្មវិធីនេះ សូមរក្សាសិទ្ធិក្នុងការមិនផ្តល់សេវាកម្ម ឬដកហូតនូវរាល់សេវាកម្មទាំងឡាយណា ដែលបានស្វែងរកព័ត៌មានដែលគ្មានការយល់ព្រម។
៤. បច្ចុប្បន្នភាព និងការកែប្រែគោលការណ៍ឯកជនភាព
គោលការណ៍ឯកជនភាពរបស់យើងខ្ញុំ អាចនឹងត្រូវបានកែប្រែពីពេលមួយទៅពេលមួយ។ រាល់ការកែប្រែលើគោលការណ៍ឯកជនភាពនេះ ការកែសម្រួល និងធ្វើបច្ចុប្បន្នភាពនេះ នឹងត្រូវបានផុសនៅខាងក្រោមនៃទំព័រនេះ។ ទោះជាយ៉ាងណាក៏ដោយ ប្រសិនបើមានការផ្លាស់ប្តូរសំខាន់នៅក្នុងគោលការណ៍នេះ យើងខ្ញុំនឹងធ្វើការជូនដំណឹងឲ្យបានច្បាស់លាស់តាមរយៈសារ SMS ការជូនដំណឹងនៅលើកម្មវិធីអ៉ីអនវ៉លឡេត និងតាមរយៈអ៉ីមែលជាដើម។ លោកអ្នកត្រូវទទួលស្គាល់ និងយល់ព្រមទទួលខុសត្រូវក្នុងការត្រួតពិនិត្យគោលការណ៍ឯកជនភាពនេះជាប្រចាំ ហើយត្រូវយល់ដឹងអំពីការកែប្រែជាបន្តបន្ទាប់ នៃគោលការណ៍នេះ។
“ការយល់ព្រមក្នុងការប្រើប្រាស់កម្មវិធីអ៉ីអនវ៉លឡេតរបស់លោកអ្នក មានន័យថា លោកអ្នកយល់ព្រមគោរពតាមគោលការណ៍ឯកជនភាពដែលបានរៀបរាប់ខាងលើនេះ”។
កំណត់ចំណាំ អំពីសិទ្ធិឯកជន
ការប្រើប្រាស់ និងការកំណត់ឯកជនភាពនៃព័ត៌មាន ឬ ទិន្នន័យបុគ្គល
សេចក្តីជូនដំណឹងស្តីពីឯកជនភាពនេះ (“សេចក្តីជូនដំណឹង”) កំណត់មូលដ្ឋានដែលធនាគារឯកទេស អ៉ីអន (ខេមបូឌា) ភីអិលស៊ី (“ពួកយើងខ្ញុំ”, “យើងខ្ញុំ” ឬ “របស់យើងខ្ញុំ”) អាចប្រមូល ប្រើប្រាស់ បង្ហាញ ឬដំណើរការទិន្នន័យផ្ទាល់ខ្លួនរបស់អតិថិជន (“លោកអ្នក” ឬ “របស់លោកអ្នក”) ស្របតាមគោលការណ៍ការពារទិន្នន័យខាងក្នុងរបស់យើងខ្ញុំ។ សេចក្តីជូនដំណឹងនេះ អនុវត្តចំពោះទិន្នន័យផ្ទាល់ខ្លួនដែលយើងខ្ញុំប្រមូលពីលោកអ្នក នៅពេលលោកអ្នកប្រើប្រាស់ទម្រង់ពាក្យស្នើសុំ កម្មវិធីទូរស័ព្ទ គេហទំព័រ ឬផលិតផល/សេវាកម្មផ្សេងទៀតរបស់យើងខ្ញុំ។
១. ព័ត៌មានដែលយើងខ្ញុំអាចប្រមូល៖
២. សិទ្ធិរបស់លោកអ្នក៖
សិទ្ធិដែលលោកអ្នកមានទាក់ទងនឹងព័ត៌មានដែលយើងបានរក្សាទុក រួមមាន៖
៣. យើងខ្ញុំអាចប្រមូល និងបង្ហាញទិន្នន័យផ្ទាល់ខ្លួនរបស់លោកអ្នកទៅឲ្យ ៖
ចម្ងល់ និងព័ត៌មានបន្ថែម
ប្រសិនបើលោកអ្នកមានចម្ងល់ ឬត្រូវការព័ត៌មានបន្ថែម អំពីអ្វីដែលយើងខ្ញុំបានលើកឡើងនៅក្នុងសេចក្តីជូនដំណឹង និងគោលការណ៍ឯកជនភាពនេះ សូមទាក់ទងមកការិយាល័យទំនាក់ទំនងអតិថិជន របស់យើងខ្ញុំ តាមរយៈអ៉ីម៉ែល info@aeon.com.kh ឬទូរស័ព្ទលេខ ០២៣ ៩៨៨ ៥៥៥, ០៧០ ៩៨៨ ៥៥៥, ០៧៨ ៩៨៨ ៥៥៥, ឬអញ្ជើញមកការិយាល័យសាខារបស់ធនាគារ ឯកទេស អ៉ីអន (ខេមបូឌា) ភីអិលស៊ី ដែលនៅជិតលោកអ្នកបំផុត។
យើងខ្ញុំអាចកែប្រែសេចក្តីជូនដំណឹងនេះ ដោយគ្មានការជូនដំណឹងទុកជាមុន។
សេចក្តីផ្តើម
សូមមេត្តាអាន និងពិចារណាដោយប្រុងប្រយ័ត្នទៅលើខ្លឹមសារ និងលក្ខខណ្ឌ របស់កម្មវិធី អ៉ីអនវ៉លឡេតខេមបូឌា មុននឹងលោកអ្នកចាប់ផ្តើមប្រើប្រាស់។ ប្រសិនបើលោកអ្នកមានចម្ងល់អំពីខ្លឹមសារ និងលក្ខខណ្ឌនេះ សូមធ្វើការទំទាក់ទំទងមកកាន់ ធនាគារឯកទេស អ៉ីអន (ខេមបូឌា) ភីអិលស៊ី (“ធនាគារឯកទេស អ៉ីអន”) ដើម្បីសុំសេចក្តីបញ្ជាក់ និងព័ត៌មានបន្ថែម តាមរយៈទូរស័ព្ទលេខ ០២៣/០៧៨/០៧០ ៩៨៨ ៥៥៥។
ខ្លឹមសារ និងលក្ខខណ្ឌនេះ ជាការព្រមព្រៀងរវាងលោកអ្នក និងធនាគារឯកទេស អ៉ីអន ដែលនឹងត្រូវយកទៅអនុវត្តលើការប្រើប្រាស់ កម្មវិធីអ៉ីអនវ៉លឡេតខេមបូឌា ផលិតផល និង សេវាកម្មនានាដែលផ្តល់ដោយ អាជីវករ ឬ ដៃគូសហការរបស់ ធនាគារឯកទេស អ៉ីអន។ ប្រសិនបើលោកអ្នកមិនយល់ព្រម គោរពតាមខ្លឹមសារ និងលក្ខខណ្ឌដែលមានចែងនេះទេ សូមបញ្ឈប់ការប្រើប្រាស់ កម្មវិធីនេះ។
លុះត្រាតែលោកអ្នកទទួលយកនូវរាល់ ខ្លឹមសារ និងលក្ខខណ្ឌដែលមានចែងនៅទីនេះ ទើបលោកអ្នកអាចក្លាយជាអតិថិជនរបស់ អ៉ីអនវ៉លឡេតខេមបូឌា ។ ធនាគារឯកទេស អ៉ីអន សូមណែនាំ លោកអ្នកឲ្យអាននូវព័ត៌មានដែលមានភ្ជាប់ក្នុងទំព័រផ្សេងៗនៅលើគេហទំព័រ បន្ថែមពីលើការអានខ្លឹមសារ និងលក្ខខណ្ឌ ព្រោះថា ខ្លឹមសារ និងលក្ខខណ្ឌទាំងនោះនឹងត្រូវបានអនុវត្តបន្ថែម លើការប្រើប្រាស់ អ៉ីអនវ៉លឡេតខេមបូឌា របស់លោកអ្នក។
១) និយមន័យ
២) តើអ្វីទៅជាអ៉ីអនវ៉លឡេតខេមបូឌា?
អ៉ីអនវ៉លឡេតខេមបូឌា គឺជាការទូទាត់ប្រាក់ដែលបង្កើតឡើងដោយ ធនាគារឯកទេស អ៉ីអន។ វាមានមុខងារសម្រាប់បង់ប្រាក់ទៅឲ្យអាជីវករ ទូទាត់វិក្កយបត្រ បញ្ចូលលុយទូរស័ព្ទ និងផ្ទេរប្រាក់ក្នុងបណ្តាញ ធនាគារឯកទេស អ៉ីអន ដោយប្រើប្រាស់ទូរស័ព្ទស្មាតហ្វូន ឬ ទូរស័ព្ទដទៃទៀត។ នេះគឺជាប្រភេទគណនីបង់ប្រាក់មុន និងធ្វើប្រតិបត្តិការដោយប្រើប្រាស់ប្រាក់រៀលខ្មែរពិតប្រាកដ។
៣) អ្នកមានសិទ្ធិប្រើប្រាស់
ត្រូវមានទូរស័ព្ទ ដែលអាចដំណើរការបានលើប្រព័ន្ធប្រតិបត្តិការ iOS ឬ Android ឬ ឧបករណ៍ស្រដៀងគ្នាដទៃទៀត។
៤) ការកំណត់ និងសេវាកម្មដែលមាន
ដើម្បីប្រើសេវាកម្ម លោកអ្នកត្រូវចុះឈ្មោះបង្កើតគណនី ។ លោកអ្នក អាចបង្កើតគណនីបានតែមួយប៉ុណ្ណោះ។ សេវាកម្មនេះ សម្រាប់តែបុគ្គល ឬអាជីវករ ដែលអាចចុះកិច្ចសន្យាចងកាតព្វកិច្ចផ្លូវច្បាប់តែប៉ុណ្ណោះ។ ដោយមិនមានកំណត់ដូចអ្វីដែលបានចែងពីមុន សេវាកម្មនឹងមិនផ្តល់ចំពោះ បុគ្គលដែល ធនាគារឯកទេស អ៉ីអន បានផ្អាកមិនឲ្យប្រើប្រាស់សេវាកម្មណាមួយ ឬបុគ្គលមានហានិភ័យឥណទាន ដែលមិនអាចឲ្យប្រើប្រាស់សេវានេះបាន។
លោកអ្នកត្រូវបានអនុញ្ញាតឲ្យប្រើប្រាស់មុខងារនៅក្នុងកម្មវិធី អ៉ីអនវ៉លឡេតខេមបូឌា ដូចខាងក្រោម៖
លោកអ្នកមិនត្រូវប្រើប្រាស់កម្មវិធី ក្នុងគោលបំណងដូចខាងក្រោម៖
ក) ប្រព្រឹត្តសកម្មភាពខុសច្បាប់ ឬមិនស្របច្បាប់ ឬការក្លែងបន្លំ ឬធ្វើឲ្យនរណាម្នាក់រងគ្រោះ ឬការលើកកម្ពស់សកម្មភាពឧក្រិដ្ឋណាមួយ។
ខ) ប្រព្រឹត្តសកម្មភាពជាការបង្ខូចកេរ្តិ៍ឈ្មោះ ការរំខានយាយី ឬការគំរាមកំហែង ឬការរំលោភបំពានសិទ្ធិដល់អ្នកដទៃ។ សកម្មភាពនេះ ក៏រួមបញ្ចូលនូវព័ត៌មានទាំងឡាយណា ដែលលោកអ្នកអាចបន្ថែម ឬបញ្ចូលទៅក្នុងកម្មវិធីអ៉ីអនវ៉លឡេត។
គ) ជ្រៀតចូលរំខាន ដោយមធ្យោបាយណាមួយ ជាមួយបុគ្គលដទៃទៀត ដែលប្រើប្រាស់កម្មវិធីអ៉ីអនវ៉លឡេត និង / ឬ
ឃ) បញ្ចូលមេរោគ ឬសារធាតុគ្រោះថ្នាក់ ឬអ្វីដែលធ្វើឲ្យខូចប្រយោជន៍ ឬប្រើវាដើម្បីភ្ជាប់ការទំនាក់ទំនងទាំងឡាយណាដោយគ្មានការយល់ព្រម។
លោកអ្នកមិនត្រូវប្រើកម្មវិធីអ៉ីអនវ៉លឡេត ក្នុងមធ្យោបាយណាមួយ ដែលអាចធ្វើឲ្យខូចខាត ឬអន់ថយដល់កម្មវិធី សេវាកម្ម ឬប្រព័ន្ធ និងសុវត្ថិភាព របស់ធនាគារឯកទេស អ៉ីអន។
ដោយសារ ផ្នែកសុវត្ថិភាពនៃកម្មវិធីនេះ មានសារៈសំខាន់ជាងគេ លោកអ្នកត្រូវរក្សាទុកឧបករណ៍លោកអ្នកឲ្យមានសុវត្ថិភាព និង ត្រូវបិទកម្មវិធីបន្ទាប់ពីប្រើប្រាស់រួចឲ្យបានត្រឹមត្រូវ។ លោកអ្នកត្រូវប្រាកដថា ព័ត៌មានសុវត្ថិភាព និងព័ត៌មានគណនី និងព័ត៌មានដទៃទៀតដែលលោកអ្នកផ្តល់ជូន ធនាគារឯកទេស អ៉ីអន តាមរយៈកម្មវិធី ឬមធ្យោបាយផ្សេងៗ គឺគ្រប់គ្រាន់ ត្រឹមត្រូវ ហើយជាព័ត៌មានចុងក្រោយបង្អស់។
៥) ខចែង និងលក្ខខណ្ឌដើម្បីទទួលរង្វាន់របស់អ៉ីអនវ៉លឡេត
ការផ្តល់រង្វាន់របស់អ៉ីអនវ៉លឡេត
ការផ្តល់រង្វាន់អ៉ីអនវ៉លឡេត ជាទូទៅត្រូវបានផ្តល់ជូនអតិថិជនតាមការវិនិច្ឆ័យរបស់ ធនាគារឯកទេស អ៉ីអន នៅពេលដែលអតិថិជនធ្វើការទូទាត់ប្រាក់តាមរយៈអ៉ីអនវ៉លឡេត។ ការផ្តល់រង្វាន់អ៉ីអនវ៉លឡេត គឺត្រូវប្រគល់ជូនដោយភាពស្មោះត្រង់ អាចជារង្វាន់ ឬអត្ថប្រយោជន៍ផ្សេងៗជូនអតិថិជន។
ការផ្តល់រង្វាន់អ៉ីអនវ៉លឡេត ត្រូវបានផ្តល់ជូនតាមរយៈកម្មវិធី អ៉ីអនវ៉លឡេត នៅពេលដែលអតិថិជនចុះឈ្មោះរបស់ខ្លួននៅក្នុងកម្មវិធីអ៉ីអនវ៉លឡេត និង / ឬចូលទៅកាន់កម្មវិធីក្នុងទូរស័ព្ទរបស់អតិថិជន (ជារួមហៅថា “កម្មវិធីអ៉ីអនវ៉លឡេត”) ។
ចំនួនរង្វាន់សរុបរបស់ អ៉ីអនវ៉លឡេត នឹងត្រូវបានកំណត់ដោយ ធនាគារឯកទេស អ៉ីអន តាមឆន្ទានុសិទ្ធិរបស់ខ្លួន។ ដើម្បីកំណត់អំពីចំនួនរង្វាន់សរុបនេះ ធនាគារឯកទេស អ៉ីអន នឹងធ្វើការវិនិច្ឆ័យអំពីលក្ខខណ្ឌ ផ្សេងៗ ព្រមទាំងប្រវត្តិប្រតិបត្តិការអ៉ីអនវ៉លឡេតរបស់អតិថិជន។
ការផ្តល់រង្វាន់របស់កម្មវិធីអ៉ីអនវ៉លឡេត គឺមិនមានតម្លៃជាសាច់ប្រាក់ និងមិនអាចប្តូរជាសាច់ប្រាក់បានឡើយ។ ការផ្តល់រង្វាន់នេះ មិនអាចត្រូវបានធ្វើអនុប្បទាន (ផ្ទេរ) លក់បន្ត ឬ ប្តូរជាសាច់ប្រាក់បានទេ។
សូមជម្រាបជូនថា ទោះបីជារង្វាន់របស់ អ៉ីអនវ៉លឡេត ត្រូវបានចាត់ទុកថាមានតម្លៃស្មើនឹងរូបិយប័ណ្ណមួយចំនួន (ឧទាហរណ៍ ប្រាក់រៀល) ក៏ដោយ ក៏ប៉ុន្តែការកំណត់បែបនេះគឺដើម្បីផ្តល់ភាពងាយស្រួលដល់អតិថិជនតែប៉ុណ្ណោះ។ ចំនួនរូបិយប័ណ្ណ ដែលផ្តល់ជូននេះ គឺគ្រាន់តែជាការផ្តល់នូវ “តម្លៃបង្ហាញ” អំពីរង្វាន់អ៉ីអនវ៉លឡេតដែលត្រូវប្តូរតែប៉ុណ្ណោះ។ តម្លៃនៃរង្វាន់ អ៉ីអនវ៉លឡេត នីមួយៗមិនត្រូវបានគិតជាសាច់ប្រាក់ជាក់ស្តែងទេ ហើយ “តម្លៃបង្ហាញ” នេះអាចត្រូវបានកែប្រែតាមឆន្ទានុសិទ្ធិរបស់ ធនាគារឯកទេស អ៉ីអន។
ធនាគារឯកទេស អ៉ីអន មិនទទួលខុសត្រូវចំពោះភាពខុសគ្នាដោយសារការទូទាត់ជាមួយរង្វាន់អ៉ីអនវ៉លឡេតនេះទេ។ ធនាគារឯកទេស អ៉ីអន អាចលុបចោល ឬ កែប្រែចំនួនរង្វាន់អ៉ីអនវ៉លឡេត តាមឆន្ទានុសិទ្ធិរបស់ខ្លួន ហើយអតិថិជនមិនអាចធ្វើការតវ៉ាជាមួយ ធនាគារឯកទេស អ៉ីអន ចំពោះ “តម្លៃបង្ហាញ” នេះ ឬទាមទារជាសាច់ប្រាក់ឡើយ។
ការផ្តល់រង្វាន់អ៉ីអនវ៉លឡេត អាចទទួលបានចំពោះតែប្រតិបត្តិការ ដែលបានគោរពតាមលក្ខខណ្ឌ ដូចមានចែងនៅក្នុងខចែង និងលក្ខខណ្ឌនេះ និងអាចប្តូរបានតាមរយៈកម្មវិធីអ៉ីអនវ៉លឡេតតែប៉ុណ្ណោះ ហើយដែលអាចកែប្រែពីពេលមួយទៅពេលមួយ។ ការរួមបញ្ចូលគ្នានូវរង្វាន់ដែលទទួលបានពីអ៉ីអនវ៉លឡេត មិនបានផ្តល់សិទ្ធិដល់អតិថិជនចំពោះការផ្តល់ជូនពិសេស ការផ្តល់ជូនតាមរយៈយុទ្ធនាការ ឬកម្មវិធីណាមួយផ្សេង ក្រៅពីការផ្តល់ជូនអតិថិជនក្នុងការប្តូរយករង្វាន់ ដោយអនុលោមតាមខចែង និងលក្ខខណ្ឌទាំងនេះ។
ធនាគារឯកទេស អ៉ីអន អាចកំណត់អំពីការទូទាត់សមតុល្យអប្បបរមាសម្រាប់ប្រតិបត្តិការនីមួយៗ រួមទាំងការប្តូររង្វាន់អ៉ីអនវ៉លឡេត។ នៅពេលប្តូររង្វាន់អ៉ីអនវ៉លឡេតនៅក្នុងអំឡុងពេលប្រតិបត្តិការទូទាត់ អតិថិជន ត្រូវប្តូររង្វាន់អ៉ីអនវ៉លឡេត ជាមួយនឹងការរួមបញ្ចូលគ្នានូវទឹកប្រាក់នៅក្នុងវ៉លឡេត។ រង្វាន់អ៉ីអនវ៉លឡេតមិនអាចប្តូរបានទេ ប្រសិនបើមិនគ្រប់ចំនួន។ រង្វាន់អ៉ីអនវ៉លឡេតដែលមិនទាន់បានប្តូរ អតិថិជនអាចពិនិត្យ និងអាចចូលទៅមើលបានគ្រប់ពេលនៅក្នុងកម្មវិធីអ៉ីអនវ៉លឡេត។
ការទូទាត់រង្វាន់អ៉ីអនវ៉លឡេត ដោយសារតែប្រតិបត្តិការមានបញ្ហាអាចធ្វើទៅបាន លុះត្រាតែមានការយល់ព្រមជាមុនសិនពីដៃគូរសហការ។
សុពលភាព និងការផុតកំណត់នៃរង្វាន់អ៉ីអនវ៉លឡេត
រង្វាន់អ៉ីអនវ៉លឡេត មានសុពលភាពរយៈពេល ២៤ ខែ គិតចាប់ពីថ្ងៃដែលបានផ្តល់ជូន លើកលែងតែកិច្ចសន្យាត្រូវបានបញ្ចប់ដោយ ធនាគារឯកទេស អ៉ីអន ស្របតាមខចែង និងលក្ខខណ្ឌដូចដែលបានកំណត់។
អតិថិជនមិនអាចទទួលរង្វាន់អ៉ីអនវ៉លឡេត នោះទេ ប្រសិនបើហួសកាលបរិច្ឆេទកំណត់ដែលបានបញ្ជាក់ ឬនៅពេលបញ្ចប់រង្វាន់អ៉ីអនវ៉លឡេត ដោយអនុលោមតាមខចែង និងលក្ខខណ្ឌដែលបានកំណត់នេះ។
រង្វាន់អ៉ីអនវ៉លឡេត ដែលមិនទាន់បានប្តូរនៅកាលបរិច្ឆេទផុតកំណត់ ឬកាលបរិច្ឆេទបញ្ចប់កិច្ចសន្យានឹងត្រូវបានចាត់ទុកជា មោឃៈ និងមិនអាចប្តូរ ឬប្រើប្រាស់ដោយម្ចាស់គណនីអ៉ីអនវ៉លឡេតឡើយ។
រង្វាន់អ៉ីអនវ៉លឡេត មិនអាចផ្ទេរទៅគណនី អ៉ីអនវ៉លឡេត ណាមួយឡើយ ឬ គណនីថ្មីដែលទើបនឹងបើកដោយអតិថិជនដដែលបានទេ។
ការកែប្រែ ការហាមឃាត់ និងការបញ្ចប់
រង្វាន់អ៉ីអនវ៉លឡេត កម្មវិធី និងអត្ថប្រយោជន៍ផ្សេងៗ ត្រូវបានផ្តល់ជូនតាមឆន្ទានុសិទ្ធរបស់ ធនាគារឯកទេស អ៉ីអន ដែលមានសិទ្ធិបញ្ចប់នូវកម្មវិធី ឬ ផ្លាស់ប្តូរលក្ខខណ្ឌនៃកម្មវិធីទាំងនោះ លក្ខខណ្ឌនៃការចូលរួម ឬ ផ្តល់រង្វាន់ អ៉ីអនវ៉លឡេតទាំងមូល ឬ ផ្នែកណាមួយដោយមានការជូនដំណឹងយោងទៅលើប្រការ ៩ ទោះបីជាការផ្លាស់ប្តូរនោះអាចប៉ះពាល់ដល់លទ្ធភាពក្នុងការប្តូរយករង្វាន់អ៉ីអនវ៉លឡេត ដែលបានផ្តល់រួចហើយក៏ដោយ។
ធនាគារឯកទេស អ៉ីអន អាចធ្វើការដកហូត កំណត់ កែប្រែ ឬ លុបចោលនូវការផ្តល់ជូនពិសេសណាមួយ បង្កើន ឬ បន្ថយចំនួនរង្វាន់អ៉ីអនវ៉លឡេត ដែលទទួលបានពីប្រតិបត្តិការទូទាត់។ ការបង្កើន ឬ បន្ថយចំនួនរង្វាន់អ៉ីអនវ៉លឡេត ដែលតម្រូវឲ្យប្តូរ ដែលបានកំណត់ក្នុង វ៉លឡេត អាចកែប្រែ ពន្យារ ឬ កំណត់អំពីការផ្ទេរប្រាក់រង្វាន់អ៉ីអនវ៉លឡេត ឬអត្ថប្រយោជន៍ផ្សេងៗ បន្ថែមចំនួនថ្ងៃដែលមិនអាចប្រើប្រាស់បានដោយមិនកំណត់ចំនួន ឬកំណត់ចំនួនដៃគូសហការ ឬប្រតិបត្តិការដែលអាចធ្វើបាន ឬធ្វើការផ្លាស់ប្តូរកម្មវិធីតាមឆន្ទានុសិទ្ធិរបស់ខ្លួន ឬតាមការតម្រូវដោយច្បាប់ ឬបទប្បញ្ញតិ ដោយមានការជូនដំណឹង ដូចមានចែងនៅក្នុងប្រការ ៩។
ដើម្បីចូលរួមក្នុងកម្មវិធីនេះត្រូវគោរពតាមលក្ខខណ្ឌដែលបានកំណត់ដោយ ធនាគារឯកទេស អ៉ីអន និងអាចធ្វើវិសោធនកម្មនៅពេលណាមួយតាមឆន្ទានុសិទ្ធិរបស់ធនាគារ។ ធនាគារឯកទេស អ៉ីអន (មានសិទ្ធិក្នុងការបកស្រាយ និងអនុវត្តកម្មវិធីនេះស្របតាមលក្ខខណ្ឌដែលបានកំណត់។ ប្រសិនបើមិនគោរពតាមលក្ខខណ្ឌដែលបានកំណត់ទេ រាល់ការរំលោភបំពានកម្មវិធី ការប្រព្រឹត្តណាមួយដែលបង្កឲ្យមានផលប៉ះពាល់ដល់ប្រយោជន៍របស់ ធនាគារឯកទេស អ៉ីអន ឬ ការយល់ច្រឡំព័ត៌មានណាមួយដែលផ្តល់ឲ្យ ធនាគារឯកទេស អ៉ីអន ឬ ក្រុមហ៊ុនបុត្រសម្ព័ន្ធ ដោយអ្នកចូលរួម ឬបុគ្គលផ្សេងក្នុងនាមជាអ្នកចូលរួម ធនាគារអាចបញ្ចប់រង្វាន់អ៉ីអនវ៉លឡេត របស់អ្នកប្រើប្រាស់ ឬអត្ថប្រយោជន៍ផ្សេងៗទាំងមូល ឬផ្នែកណាមួយ។
ការសងសំណង
អតិថិជនត្រូវទូទាត់សំណង និងធានា ធនាគារឯកទេស អ៉ីអន និងក្រុមហ៊ុនបុត្រសម្ព័ន្ធរបស់ធនាគារពីផលប៉ះពាល់ ដែលកើតចេញពីការប្តឹងទាមទារ ការទទួលខុសត្រូវ និងរាល់ការចំណាយផ្សេងៗ ដែលបណ្តាលមកពីការចូលរួមរបស់អតិថិជននៅក្នុងកម្មវិធី ឬពាក់ព័ន្ធនឹងការបំពានខចែង និងលក្ខខណ្ឌណាមួយរបស់អតិថិជន ឬពីបុគ្គលដែលទទួលបានសិទ្ធិពីអតិថិជន។
៦) ទំនាក់ទំនងផ្នែកច្បាប់រវាងលោកអ្នក និងធនាគារឯកទេស អ៉ីអន
ក) ការផ្ទៀងផ្ទាត់អត្តសញ្ញាណ៖ ធនាគារឯកទេស អ៉ីអន ប្រើប្រាស់វិធីសាស្រ្តនានា ដើម្បីកំណត់អត្តសញ្ញាណអតិថិជនខ្លួន នៅពេលដែលគាត់ចុះឈ្មោះបង្កើតគណនីក្នុងកម្មវិធីអ៉ីអនវ៉លឡេតខេមបូឌា។ សូមមេត្តាជ្រាបថា ការផ្ទៀងផ្ទាត់អត្តសញ្ញាណលោកអ្នក គឺត្រូវបានធ្វើឡើង ដើម្បីធានាថា អត្តសញ្ញាណលោកអ្នកមានភាពត្រឹមត្រូវច្រើន ហើយលោកអ្នកត្រូវមាន ស៊ីមកាតដែលបានចុះឈ្មោះជាមួយនឹងកម្មវិធី ព្រោះវាជាផ្នែកមួយនៃការផ្ទៀងផ្ទាត់ បើមិនដូច្នោះទេ ធនាគារឯកទេស អ៉ីអន នឹងមិនអាចធ្វើប្រតិបត្តិការដកសាច់ប្រាក់ជូនលោកអ្នកបានឡើយ។ លោកអ្នក អនុញ្ញាតឲ្យអ៉ីអនវ៉លឡេតខេមបូឌា ស្វែងរកព័ត៌មានបន្ថែមណាមួយដោយផ្ទាល់ ឬតាមរយៈភាគីទីបី ដែលធនាគារឯកទេស អ៉ីអន យល់ថាមានភាពចាំបាច់ក្នុងការផ្ទៀងផ្ទាត់ចំពោះការចុះឈ្មោះបង្កើតគណនី ។ ដោយហេតុថា ដំណើរការផ្ទៀងផ្ទាត់មានការពិបាក ធនាគារឯកទេស អ៉ីអន មិនអាចកំណត់អត្តសញ្ញាណ និង មិនធានាលើអត្តសញ្ញាណរបស់លោកអ្នកទេ។
ខ) ដែនកំណត់នៃការទទួលខុសត្រូវ៖ ក្នុងករណីណាក៏ដោយ ធនាគារឯកទេស អ៉ីអន ក្រុមហ៊ុនជាអាណាព្យាបាល ក្រុមហ៊ុនបុត្រសម្ព័ន្ធ នាយក អ្នកគ្រប់គ្រង បុគ្គលិកក្រុមហ៊ុន ឬ ភាគីផ្គត់ផ្គង់សេវាកម្មឲ្យ ធនាគារឯកទេស អ៉ីអន មិនទទួលខុសត្រូវរាល់ការបាត់បង់ប្រាក់ចំណេញ ឬផលប៉ះពាល់ខូចខាតពិសេសណាមួយ ដោយចៃដន្យ ឬផលវិបាកនៃការខូចខាត (ទោះកើតឡើងដោយការធ្វេសប្រហែសក៏ដោយ)។
គ) សំណងជំងឺចិត្ត៖ លោកអ្នក យល់ព្រមសងសំណងជំងឺចិត្ត និង មិនបង្កគ្រោះថ្នាក់ដល់ ធនាគារឯកទេស អ៉ីអន ក្រុមហ៊ុនអាណាព្យាបាល ក្រុមហ៊ុនបុត្រសម្ព័ន្ធ នាយក អ្នកគ្រប់គ្រង បុគ្គលិកធនាគារ ពីការទាមទារ ឬតម្រូវការណាមួយ (រួមទាំងកម្រៃសេវាមេធាវី) ដែលធ្វើឡើងដោយខ្លួនឯង ឬដោយតតីយជន តាមរយៈការបំពានលើខ្លឹមសារ និងលក្ខខណ្ឌនេះ ឬឯកសារដែលពាក់ព័ន្ធយោងជាមួយខ្លឹមសារ និងលក្ខខណ្ឌ ឬការរំលោភបំពានច្បាប់ ឬ រំលោភបំពានសិទ្ធិរបស់តតីយជន ដែលជាប់ទាក់ទងនឹងការប្រើប្រាស់សេវាកម្ម ឬផលិតផល។
ឃ) ការទទួលខុសត្រូវលើ សេចក្តីបំពាន៖ ធនាគារឯកទេស អ៉ីអន អាចពិន័យលោកអ្នក ប្រសិនបើលោកអ្នកប្រព្រឹត្ត ដូចមានពន្យល់ខាងក្រោម៖
ង) ទំនួលខុសត្រូវលើលេខ PIN លោកអ្នក៖ លោកអ្នកមិនត្រូវដាក់លេខ PIN ជាលេខទូរស័ព្ទ ឬ ថ្ងៃខែឆ្នាំកំណើតរបស់លោកអ្នកឡើយ លោកអ្នកមិនត្រូវចែករំលែកលេខ PIN និងទូរស័ព្ទស្មាតហ្វូនរបស់លោកអ្នកទៅឲ្យអ្នកដទៃ លោកអ្នកត្រូវធ្វើការផ្លាស់ប្តូរលេខ PIN ជាញឹកញាប់ និងលោកអ្នកមិនត្រូវសរសេរ ឬ កត់ត្រាលេខ PIN នៅកន្លែងផ្សេងៗ ដូចជាលើទូរស័ព្ទស្មាតហ្វូន ក្រដាស ឬប័ណ្ណជាដើម ។ ធនាគារឯកទេស អ៉ីអន មិនទទួលខុសត្រូវចំពោះការបាត់បង់ និងការខូចខាតដែលកើតឡើងដោយសារកំហុសរបស់លោកអ្នកដូចដែលរៀបរាប់ខាងលើ។
លោកអ្នក និងធនាគារឯកទេស អ៉ីអន យល់ព្រមថា រាល់ការខូចខាតដែលធនាគារឯកទេស អ៉ីអន បានទទួលរង ដោយសារការប្រព្រឹត្តរបស់លោកអ្នកដូចបានរៀបរាប់ខាងលើនឹងមានទំហំធំ ទំហំនោះអាចរាប់បញ្ចូលរាល់ការពិន័យ (ដោយមិនកំណត់) និងការចំណាយដទៃទៀត ពីប្រតិបត្តិករទូទាត់ និងភាគីផ្គត់ផ្គង់សេវាកម្ម។ ធនាគារឯកទេស អ៉ីអន នឹងពិន័យជាសាច់ប្រាក់ក្នុងចំនួនណាមួយ ក្នុងករណីដែលលោកអ្នកពាក់ព័ន្ធនឹងសកម្មភាពប្រព្រឹត្តបែបនេះ។
ប្រសិនបើលោកអ្នកប្រើ អ៉ីអនវ៉លឡេតខេមបូឌា ដោយរំលោភបំពានលើខ្លឹមសារ និងលក្ខខណ្ឌរួមបញ្ចូល ប៉ុន្តែមិនកំណត់ចំពោះចំណុចទាំងបី ដែលបានរាបរាប់ខាងលើ គណនីលោកអ្នកនឹងត្រូវបានដាក់កម្រិត ឬបញ្ឈប់ភ្លាមៗ។
ដោយមិនកំណត់ត្រឹមអ្វីដែលបានចែងខាងលើ លោកអ្នកយល់ព្រមសងសំណងដល់ ធនាគារឯកទេស អ៉ីអន លើថ្លៃសេវា ការចំណាយ រួមទាំងការពិន័យណាមួយ ឬទាំងអស់ ដែលដាក់ពិន័យដោយ ប្រតិបត្តិករទូទាត់ និង / ឬ ភាគីផ្គត់ផ្គង់សេវាកម្ម ដែលបង្កឡើងដោយសកម្មភាពលោកអ្នក។ លោកអ្នក យល់ព្រមថា ប្រសិនបើលោកអ្នក ឬធនាគារឯកទេស អ៉ីអន ចាប់ផ្តើមបណ្តឹងទៅតុលាការ ឬចាប់ផ្តើមបណ្តឹងទៅអាជ្ញាកណ្តាល ដូចមានចែងក្នុងកឋាខណ្ឌនេះ ភាគីដែលឈ្នះមានសិទ្ធិទទួលយកកម្រៃឈ្នួលមេធាវីសមរម្យ និងការចំណាយដទៃទៀតដែលបានចំណាយក្នុងដំណើរការនីតិវិធីនេះ បន្ថែមពីលើបន្ទុកផ្សេងទៀត ដែលភាគីឈ្នះ ត្រូវមានសិទ្ធិទទួលបាន។
៧) ជម្លោះលើការទូទាត់
ក) ការតវ៉ាណាមួយដែលមិនជាប់ទាក់ទងនឹងសេវាកម្មទូទាត់ ឬមិនជាប់ទាក់ទងទៅលើប្រតិបត្តិការជាក់លាក់ណាមួយ (ឧទាហរណ៍ អំពីគុណភាពនៃទំនិញ ឬសេវាកម្មដែលទទួលបានពីអាជីវករ) គួរតែត្រូវការដោះស្រាយដោយផ្ទាល់ជាមួយភាគីដែលពាក់ព័ន្ធ (អាជីវករ)។
ខ) ធនាគារឯកទេស អ៉ីអន ទទួលយកការតវ៉ាដោយហ្មត់ចត់ និងផ្តល់តម្លៃ ដែលលោកអ្នកផ្តល់ឲ្យ ក្នុងការជួយពិនិត្យឡើងវិញ នូវវិធីសាស្រ្តដែល ធនាគារឯកទេស អ៉ីអន ដំណើរការអាជីវកម្មរបស់ខ្លួន និងដើម្បីជួយបំពេញសេចក្តីត្រូវការរបស់អតិថិជន។ គោលបំណងចម្បងរបស់ ធនាគារឯកទេស អ៉ីអន គឺដោះស្រាយរាល់ការតវ៉ាដែលលោកអ្នកមាន ឲ្យបានឆាប់រហ័ស និងប្រកបដោយប្រសិទ្ធិភាពខ្ពស់តាមដែលអាចធ្វើបាន និងចុងក្រោយធ្វើការចងក្រងជាឯកសារក្នុងគោលនយោបាយដោះស្រាយបណ្តឹង ។
៨) ការជូនដំណឹង និងការផ្លាស់ប្តូរថ្លៃសេវា និងការផ្លាស់ប្តូរខចែង និងលក្ខខណ្ឌ
ធនាគារឯកទេស អ៉ីអន អាចនឹងធ្វើការផ្លាស់ប្តូរខចែង និងលក្ខខណ្ឌ ថ្លៃសេវា និង លក្ខខណ្ឌសម្រាប់កម្មវិធីក្នុងការផ្តល់ពិន្ទុក្នុងពេលណាមួយ។ ធនាគារឯកទេស អ៉ីអន នឹងធ្វើការជូនដំណឹងដល់អតិថិជន យ៉ាងហោចណាស់ ៣០ (សាមសិប) ថ្ងៃនៃប្រតិទិន អំពីការផ្លាស់ប្ដូរនេះមុនពេលចូលជាធរមាន៖
ធនាគារឯកទេស អ៉ីអន អាចប្រើវិធីសាស្រ្តដូចដែលបានបញ្ជាក់ខាងលើនេះ ដើម្បីធ្វើជាមធ្យោបាយមួយនៃការជូនដំណឹង ឬ ការឆ្លើយតបផ្សេងៗ ឬ ទំនាក់ទំនងទៅអតិថិជនតាមរយៈលិខិតជាលាយលក្ខណ៍អក្សរផ្ញើទៅកាន់អាសយដ្ឋានរបស់អតិថិជន ដែលបានកត់ត្រាទុកនៅក្នុង ធនាគារឯកទេស អ៉ីអន។
៩) ការបញ្ចប់ ឬលុបចោល អ៉ីអនវ៉លឡេតខេមបូឌា
ក) ប្រសិនបើលោកអ្នកសម្រេចចិត្តបញ្ចប់ការប្រើប្រាស់សេវាកម្មអ៉ីអនវ៉លឡេតខេមបូឌា៖
លោកអ្នកនឹងមិនមានសិទ្ធិ ទទួលការទូទាត់ សំណង ឬការខូចខាតណាមួយ ពីធនាគារឯកទេស អ៉ីអន ទាក់ទងនឹងការបញ្ចប់ការចូលប្រើប្រាស់ និងការប្រើប្រាស់កម្មវិធីអ៉ីអនវ៉លឡេតខេមបូឌា និង/ឬ សេវាកម្មអ៉ីអនវ៉លឡេតខេមបូឌា។
ខ) តាមរយៈធនាគារឯកទេស អ៉ីអន
ប្រសិនបើមិនមានសមតុល្យ និង/ឬ ពិន្ទុដែលនៅក្នុងគណនីអ៉ីអនវ៉លឡេតរបស់លោកអ្នក និងមានការជូនដំណឹងតាមរយៈការផ្ញើសារ SMS ហើយបើក្នុងករណីដែលលោកអ្នក មិនបានធ្វើប្រតិបត្តិការទូទាត់ប្រាក់តាមប្រព័ន្ធអ៉ីអនវ៉លឡេតចំនួន ៣៦៥ថ្ងៃ [១២ (ដប់ពីរ) ខែជាប់ៗគ្នា] នោះ ធនាគារឯកទេស អ៉ីអន អាចផ្អាក ឬ បញ្ចប់ការចូលប្រើប្រាស់សេវាទូទាត់អ៉ីអនវ៉លឡេតរបស់លោកអ្នក និង បិទគណនី អ៉ីអនវ៉លឡេត របស់អ្នក តាមឆន្ទានុសិទ្ធិរបស់ខ្លួន។
ប្រសិនបើមានសមតុល្យ និង/ឬ ពិន្ទុ នៅក្នុងគណនីអ៉ីអនវ៉លឡេតរបស់លោកអ្នក និងមានការជូនដំណឹងតាមរយៈការផ្ញើសារ SMS ហើយបើក្នុងករណីដែលលោកអ្នក មិនបានប្រើសមតុល្យ ឬពិន្ទុ តាមប្រព័ន្ធអ៉ីអនវ៉លឡេតចំនួន ៣៦៥ថ្ងៃ [១២ (ដប់ពីរ) ខែជាប់ៗគ្នា] នោះ ធនាគារឯកទេស អ៉ីអន (ខេមបូឌា) ភីអិលស៊ី អាចផ្អាក ឬ បញ្ចប់ការចូលដំណើរការប្រើប្រាស់សេវាទូទាត់អ៉ីអនវ៉លឡេតរបស់លោកអ្នក និង បិទគណនី អ៉ីអនវ៉លឡេត របស់អ្នក តាមឆន្ទានុសិទ្ធិរបស់ខ្លួន។
តាមឆន្ទានុសិទ្ធិរបស់ខ្លួន ធនាគារឯកទេស អ៉ីអន អាចអនុវត្តសិទ្ធិនៅក្នុងការផ្អាក ឬ បញ្ចប់ដំណើរការសេវាទូទាត់របស់លោកអ្នកនៅក្នុង អ៉ីអនវ៉លឡេត និង បិទគណនីអ៉ីអនវ៉លឡេត របស់លោកអ្នក ដោយហេតុផលផ្សេងៗ និងជូនដំណឹងទៅកាន់លោកអ្នកតាមរយៈ រួមមានតែមិនកំណត់អំពីកំហុសដែលបានប្រព្រឹត្ត ឬតាមការតម្រូវដោយច្បាប់ ឬ ដោយហេតុផលផ្សេងទៀតដែល ធនាគារឯកទេស អ៉ីអន (ខេមបូឌា) ភីអិលស៊ី ចាត់ទុកថាត្រឹមត្រូវ ។
នៅក្នុងករណីដែល ធនាគារឯកទេស អ៉ីអន (ខេមបូឌា) ភីអិលស៊ី អនុវត្តសិទ្ធិរបស់ខ្លួនតាមប្រការដែលបានចែង ធនាគារឯកទេស អ៉ីអន (ខេមបូឌា) ភីអិលស៊ី នឹងធ្វើការជូនដំណឹងភ្លាមៗ ហើយ ធនាគារឯកទេស អ៉ីអន (ខេមបូឌា) ភីអិលស៊ី នឹងមិនទទួលខុសត្រូវចំពោះរាល់ការបាត់បង់ណាមួយឡើយ ។
ទោះបីជាមានប្រការ ៨(ខ) ខាងលើក៏ដោយ ធនាគារឯកទេស អ៉ីអន (ខេមបូឌា) ភីអិលស៊ី សូមរក្សាសិទ្ធិតាមឆន្ទានុសិទ្ធិរបស់ខ្លួននៅពេលណាមួយ ដើម្បីបញ្ឈប់ជាបន្ទាន់/បញ្ចប់នូវការប្រើប្រាស់គណនី អ៉ីអនវ៉លឡេត របស់អតិថិជនដោយហេតុផលណាមួយរួមមានតែមិនកម្រិតត្រឹមលខ្ខខណ្ឌដូចតទៅៈ
គ) តើនឹងមានអ្វីកើតឡើង ប្រសិនបើមានការបញ្ចប់ទំនាក់ទំនងកើតឡើងប្រសិនបើដំណើរការទូទាត់សេវាកម្ម អ៉ីអនវ៉លឡេត របស់អតិថិជនត្រូវបានបញ្ចប់ (រាប់ទាំងលទ្ធផលនៃការបិទគណនី អ៉ីអនវ៉លឡេត របស់លោកអ្នក) ធនាគារឯកទេស អ៉ីអន នឹងរៀបចំការទូទាត់សមតុល្យនៃទឹកប្រាក់ ដែលមាននៅក្នុងគណនី អ៉ីអនវ៉លឡេត របស់លោកអ្នក នៅកាលបរិច្ឆេទបិទគណនីរបស់លោកអ្នក នៅអាសយដ្ឋានដែលមានបង្ហាញនៅក្នុងកំណត់ត្រារបស់ធនាគារ ជាមួយនឹងស៊ីមកាត ឬកម្មវិធីដែលបានចុះឈ្មោះ និងអនុវត្តការយកចិត្តទុកដាក់ស្គាល់អតិថិជន។ នៅក្នុងករណីដែល ធនាគារឯកទេស អ៉ីអន មិនអាចទាក់ទងលោកអ្នកបាន តាមរយៈអាសយដ្ឋាន ដែលបានបង្ហាញនៅក្នុងកំណត់ត្រារបស់ធនាគារ ដើម្បីរៀបចំការទូទាត់ ធនាគារឯកទេស អ៉ីអន នឹងអនុវត្តតាមសារាចរណែនាំស្តីពីការរៀបចំប្រព័ន្ធត្រួតពិនិត្យតម្លាភាពនៅតាមគ្រឹះស្ថានធនាគារ និងហិរញ្ញវត្ថុ ចុះថ្ងៃទី ២៥ ខែមករា ឆ្នាំ ២០០៥ និងមាត្រា ៧១ នៃច្បាប់ស្តីពីគ្រឹះស្ថានធនាគារ និងហិរញ្ញវត្ថុ។
១០) ការប្រាក់ និង កម្រៃសេវាដែលត្រូវយក
គណនីសេវាកម្មអ៉ីអនវ៉លឡេតខេមបូឌា គឺជាគណនីបង់ប្រាក់ជាមុន មិនមែនជាការដាក់ប្រាក់សន្សំនោះទេ ។ ដូច្នេះ ធនាគារឯកទេស អ៉ីអន មិនផ្តល់ជូននូវការប្រាក់ សម្រាប់ការដាក់ប្រាក់បញ្ចូលក្នុងគណនីរបស់លោកអ្នកឡើយ។ លោកអ្នកយល់ព្រមបង់ថ្លៃសេវាឲ្យទៅ ធនាគារឯកទេស អ៉ីអន ដើម្បីធ្វើប្រតិបត្តិការ ដូចជាផ្ទេរប្រាក់ និងដកប្រាក់ ។
១១) ច្បាប់គ្រប់គ្រង
ខ្លឹមសារ និងលក្ខខណ្ឌនេះ ត្រូវគ្រប់គ្រង និងបង្កើតឡើងដោយស្របតាមច្បាប់ នៃ ព្រះរាជាណាចក្រកម្ពុជា។
១២) ការផ្តល់មតិយោបល់ និងចម្ងល់ផ្សេងៗ
ធនាគារឯកទេស អ៉ីអន ធ្វើការប្តេជ្ញាចិត្តដើម្បីថែរក្សា និងការពាររាល់ព័ត៌មានដែលប្រមូលបាន និងរក្សាទុកដោយ ធនាគារឯកទេស អ៉ីអន ហើយធនាគារឯកទេស អ៉ីអន រង់ចាំទទួលយកការគាំទ្ររបស់លោកអ្នកជាបន្តបន្ទាប់។ ក្នុងករណីដែលមានមតិយោបល់ ឬ ចម្ងល់ផ្សេងៗ ទាក់ទងនឹងការការពារព័ត៌មានរបស់លោកអ្នក សូមធ្វើការទាក់ទងមកកាន់យើងខ្ញុំ តាមរយៈទូរស័ព្ទលេខ៖ (+៨៥៥) ២៣ /៧៨/៧០ ៩៨៨ ៥៥៥។
