Eng 
ខ្មែរ 
កម្មវិធីអ៉ីអនកាតម៉ូបាលផ្តល់ជូននូវភាពសាមញ្ញ រហ័ស និងងាយស្រួល ជាមួយនឹងបទពិសោធន៍ថ្មីនៃការទូទាត់ប្រាក់ដោយពុំចាំបាច់កាន់អ៉ីអនកាត។ អ៉ីអនកាតម៉ូបាល អនុញ្ញាតឲ្យលោកអ្នក ធ្វើការទូទាត់ប្រាក់តាមរយៈការស្កេន QRកូដ ត្រួតពិនិត្យមើលប្រតិបត្តិការមុនៗ ពិនិត្យមើលកម្រិតសមតុល្យ ពិនិត្យមើលរបាយការណ៍វិក្កយបត្រប្រចាំខែ ពិនិត្យមើលពិន្ទុសន្សំ តាមរយៈទូរស័ព្ទស្មាតហ្វូនរបស់លោកអ្នកដោយផ្ទាល់។
ទាញយកកម្មវិធីអ៉ីអនកាតម៉ូបាលឥឡូវនេះ
គ្រាន់តែស្កេន QR កូដ នៅហាងដែលជាដៃគូសហការរបស់ អ៉ីអនកាតម៉ូបាលដើម្បីធ្វើការទូទាត់
ពិនិត្យមើលប្រតិបត្តិការ កម្រិតសមតុល្យ និងរបាយការណ៍វិក្កយបត្រប្រចាំខែនៅក្នុងកម្មវិធីតែមួយ
បង្ការហានិភ័យក្នុងការប្រើប្រាស់កាតរបស់លោកអ្នកដោយគ្មាន ការអនុញ្ញ្ញតិ តាមរយៈមុខងារ “ផ្អាកដំណើរការ/ដាក់ដំណើរការ ប័ណ្ណឡើងវិញ”
ពិនិត្យមើលពិន្ទុសន្សំដែលលោកអ្នកទទួលបាន និងពិន្ទុដែលនឹងផុតកំណត់
សេចក្តីផ្តើម
នេះគឺជាគោលការណ៍ឯកជនភាពរបស់ កម្មវិធីអ៉ីអនកាតម៉ូបាល សូមធ្វើការពិចារណាដោយប្រុងប្រយ័ត្នមុននឹងអ្នកចាប់ផ្តើមប្រើប្រាស់វា។ នៅពេលដែលលោកអ្នកចូលទៅកាន់ និងប្រើប្រាស់កម្មវិធីនេះ ដោយចុចលើពាក្យ “យល់ព្រម” នោះមានន័យថា លោកអ្នកបានយល់ព្រម និងអនុវត្តតាមខ្លឹមសារ និងលក្ខខណ្ឌរបស់ កម្មវិធី អ៉ីអនកាតម៉ូបាល។ ប្រសិនបើលោកអ្នកមិនយល់ ឬមិនច្បាស់អំពីខ្លឹមសារ និងលក្ខខណ្ឌនេះ សូមទាក់ទងមកកាន់ ធនាគារឯកទេស អ៉ីអន (ខេមបូឌា) ភីអិលស៊ី ដើម្បីសុំសេចក្តីបញ្ជាក់ និងព័ត៌មានបន្ថែមតាមរយៈទូរស័ព្ទលេខ ០២៣ ៩៨៨ ៥៥៥។
១). និយមន័យ
២). តើអ្វីទៅជា សេវាកម្មអ៉ីអនកាតម៉ូបាល?
អ៉ីអនកាតម៉ូបាល ជាកម្មវិធីសម្រាប់ស្មាតហ្វូន ឬទូរស័ព្ទដទៃទៀត ដែលអនុញ្ញាតឲ្យទាញយកពីកន្លែងដែលរចនាឡើង ដើម្បីឲ្យម្ចាស់អ៉ីអនកាតប្រើប្រាស់សម្រាប់គ្រប់គ្រងអ៉ីអនកាត ឬធ្វើការទូទាត់ក្រោមស្លាកសញ្ញាអ៉ីអនកាតជំនួសប័ណ្ណប្លាស្ទិក។
៣). ការប្រាក់ និង កម្រៃសេវា
គណនីអ៉ីអនកាតម៉ូបាល គឺប្រើក្រោមគណនីប័ណ្ណឥណទាន។ ដូចនេះ ធនាគារឯកទេស អ៉ីអន មិនយកការប្រាក់ ឬកម្រៃសេវា ផ្សេងៗពីលោកអ្នកទេ។ រាល់ប្រតិបត្តិការដែលដំណើរការនឹងប្រព្រឹត្តតាមរយៈអ៉ីអនកាត។
៤). ការចែករំលែកព័ត៌មានឯកជន
ព័ត៌មានរបស់លោកអ្នក ដែលដំណើរការដោយ ធនាគារឯកទេស អ៉ីអន នឹងត្រូវបានទុកជាព័ត៌មានសម្ងាត់ ប៉ុន្តែ ធនាគារឯកទេស អ៉ីអន អាចផ្តល់ព័ត៌មានទាំងនោះទៅឲ្យភាគី (ទោះក្នុង ឬ ក្រៅប្រទេសរបស់លោកអ្នក) ផ្សេងទៀតដូចខាងក្រោម៖
ក). ចង្កោមក្រុមហ៊ុន របស់ធនាគារឯកទេស អ៉ីអន។
ខ). រាល់ភ្នាក់ងារ ភាគីនៃកិច្ចសន្យា ឬ អ្នកផ្តល់សេវាតតិយជនដែល ធនាគារឯកទេស អ៉ីអន ធ្វើការជាមួយ ក្នុងការផ្តល់សេវាកម្ម អ៉ីអនកាតម៉ូបាល រួមបញ្ចូលទាំងការពារមិនឲ្យមានអំពើល្មើសកើតឡើង ការបញ្ចូលទិន្នន័យ ការគ្រប់គ្រងទិន្នន័យ កម្មវិធីពិសេស ការផ្សព្វផ្សាយពាណិជ្ជកម្ម សេវាកម្មអតិថិជន សេវាកម្មបច្ចេកវិទ្យា ការផ្តល់ព័ត៌មានជូនដំណឹងទាក់ទងនឹងផលិតផល និងសេវាកម្ម ។
គ). ក្រុមហ៊ុនដែល ធនាគារឯកទេស អ៉ីអន គ្រប់គ្រងការរៀបចំពាណិជ្ជកម្ម រួមបញ្ចូលទាំងអាជីវករ តតិយជន និងក្រុមហ៊ុន ដែលជាចង្កោមក្រុមហ៊ុនរបស់ ធនាគារឯកទេស អ៉ីអន។
ឃ). គ្រឹះស្ថានហិរញ្ញវត្ថុផ្សេងទៀត ធនាគារដៃគូ ក្រុមហ៊ុនប្រមូលបំណុល និងក្រុមហ៊ុនឥណទាន។
ង). អ្នកប្រឹក្សាយោបល់ជំនាញ ទីភ្នាក់ងារអនុវត្តច្បាប់ អាជ្ញាធររដ្ឋាភិបាល និងច្បាប់ ឬ អង្គការផ្សេងទៀតដែល ធនាគារឯកទេស អ៉ីអន មានកាតព្វកិច្ចចែករំលែកព័ត៌មាន តាមការតម្រូវដោយច្បាប់ បទបញ្ញាតិ ឬ ការរៀបចំខាងពាណិជ្ជកម្ម រួមទាំងការរៀបចំជាមួយបណ្តាញទូទាត់ ឬ
ច). ក្រុមហ៊ុនពាក់ព័ន្ធនឹងការរួមក្រុមហ៊ុនបញ្ចូលគ្នា ការទិញយក ឬប្រតិបត្តិការហិរញ្ញវត្ថុ ជាមួយធនាគារឯកទេស អ៉ីអន។
៥). ព័ត៌មាន
ធនាគារឯកទេស អ៉ីអន នឹងចាត់វិធានការ រួមមានការថែរក្សាផ្នែកបច្ចេកទេស រដ្ឋបាល និងដោយរូបីដើម្បីជួយការពារព័ត៌មានរបស់លោកអ្នកដែល ធនាគារឯកទេស អ៉ីអន ទទួលបានពីការបាត់បង់ ការប្រើខុស និងដោយគ្មានការអនុញ្ញាត ការបង្ហាញ ការកែសម្រួល និងការបំផ្លាញ។
ប្រសិនបើលោកអ្នកមានការបង្ហាញ ឬ ការសង្ស័យអំពីព័ត៌មានរបស់លោកអ្នក គណនី លេខសម្ងាត់ ពាក្យសម្ងាត់ ជីវមាត្រ ឬលក្ខណៈសុវត្ថិភាពផ្សេងទៀត ត្រូវបានបាត់បង់ លួច មិនត្រឹមត្រូវ ប្រើប្រាស់ដោយគ្មានការអនុញ្ញាត ឬ មិនបានយល់ព្រម នោះលោកអ្នកត្រូវបានណែនាំឲ្យធ្វើការផ្លាស់ប្តូរព័ត៌មានរបស់លោកអ្នក និងលេខសម្ងាត់។ លោកអ្នកត្រូវទាក់ទងមកផ្នែកសេវាកម្មអតិថិជនរបស់យើងខ្ញុំ ដោយមិនពន្យាពេល ដែលអាចធ្វើឲ្យមានការបាត់បង់ លួច មិនត្រឹមត្រូវ ប្រើប្រាស់ដោយគ្មានការអនុញ្ញាតនូវព័ត៌មានរបស់លោកអ្នក គណនី លេខសម្ងាត់ ឬ លក្ខណៈសុវត្ថិភាពផ្សេងទៀត។
ធនាគារឯកទេស អ៉ីអន អាចផ្អាកដំណើរការគណនីរបស់លោកអ្នក ឬ ហាមឃាត់តួនាទីរបស់វា ក្រោមហេតុផលសមរម្យទាក់ទងនឹងសុវត្ថិភាពរបស់គណនី ឬ លក្ខណៈសុវត្ថិភាពផ្សេងទៀត ឬ ប្រសិនបើ ធនាគារឯកទេស អ៉ីអន សង្ស័យដោយហេតុផលថាមានការប្រើប្រាស់ដោយគ្មានការអនុញ្ញាត ឬ ដោយទុច្ចរិតលើគណនីរបស់លោកអ្នក ឬ ដោយហេតុថាមានការប៉ះពាល់ដល់លក្ខណៈសុវត្ថិភាពរបស់វា។ ធនាគារឯកទេស អ៉ីអន នឹងជូនដំណឹងជាមុន ឫជាក្រោយ ទៅកាន់លោកអ្នក អំពីការផ្អាកដំណើរការ ឬ ការហាមឃាត់ណាមួយដោយហេតុផលណាមួយ លើកលែងតែការជូនដំណឹងទៅកាន់លោកអ្នកនេះ វាជាអំពើបំពានច្បាប់ ឬ ប៉ះពាល់ដល់ផលប្រយោជន៍ស្របច្បាប់របស់ ធនាគារឯកទេស អ៉ីអន។ ធនាគារឯកទេស អ៉ីអន នឹងដកហូតការផ្អាក ឬ ការហាមឃាត់ដំណើរការនេះវិញ នៅពេលដែលយើងមានហេតុផលសមរម្យ ដែលបញ្ចប់ការផ្អាក ឬ ការហាមឃាត់ដំណើរការនេះត្រូវបានបញ្ចប់។
បន្ថែមលើវិធាននានាខាងលើ ជាពិសេសទាក់ទងនឹងកម្មវិធីអ៉ីអនកាតម៉ូបាល លោកអ្នកត្រូវចាត់វិធានការគ្រប់បែបយ៉ាងដើម្បីឲ្យកម្មវិធីអ៉ីអនកាតម៉ូបាល មានសុវត្ថិភាព និងអាចការពារបានពីការប្រើប្រាស់ដោយទុច្ចរិត និងជាពិសេស៖
ក). លោកអ្នកមិនត្រូវដាក់លេខសម្ងាត់ ពាក្យសម្ងាត់ជាលេខទូរស័ព្ទស្មាតហ្វូន ឬជាថ្ងៃខែឆ្នាំកំណើត របស់លោកអ្នកឡើយ។
ខ). លោកអ្នកមិនត្រូវចែករំលែកលេខសម្ងាត់ ពាក្យសម្ងាត់ និងទូរស័ព្ទស្មាតហ្វូនរបស់លោកអ្នក ទៅឲ្យអ្នកដទៃ។
គ). លោកអ្នកមិនត្រូវសរសេរ ឬ កត់ត្រាលេខសម្ងាត់ ពាក្យសម្ងាត់នៅកន្លែងផ្សេងៗ ដូចជាលើទូរស័ព្ទស្មាតហ្វូន ក្រដាស់ ឬប័ណ្ណជាដើម។
ឃ). លោកអ្នកមិនត្រូវ ឲ្យអ្នកដទៃប្រើប្រាស់គណនីអ៉ីអនកាតម៉ូបាល របស់លោកអ្នក។
ង). លោកអ្នកត្រូវទុកទូរស័ព្ទស្មាតហ្វូនរបស់លោកអ្នកឲ្យមានសុវត្ថិភាព ឬ
ច). លោកអ្នកត្រូវធ្វើការផ្លាស់ប្តូរលេខសម្ងាត់ ពាក្យសម្ងាត់ជាញឹកញាប់ ។
៦). ការជូនដំណឹង និង ការផ្លាស់ប្តូរ
ព័ត៌មាន ឯកសារ និងខ្លឹមសារ ដែលមានក្នុងកម្មវិធីអ៉ីអនកាតម៉ូបាល ឬ គេហទំព័រ អាចត្រូវបានកែប្រែ នៅគ្រប់ពេលវេលា ដោយមិនចាំបាច់ជូនដំណឹងជាមុន។ ធនាគារឯកទេស អ៉ីអន អាចធ្វើការកែប្រែខ្លឹមសារ និងលក្ខខណ្ឌនៅគ្រប់ពេលវេលា ដោយធ្វើបច្ចុប្បន្នភាពកម្មវិធីអ៉ីអនកាតម៉ូបាល។ លោកអ្នកយល់ព្រមត្រួតពិនិត្យនូវរាល់ ខ្លឹមសារ និងលក្ខខណ្ឌអនុវត្តជាប្រចាំ និងយល់ព្រមថា ការប្រើប្រាស់ផ្នែកមួយនៃកម្មវិធីនេះ អាចនឹងត្រូវបានកែប្រែ នៅពេលណាមួយ។
៧). ការប្រមូលព័ត៌មាន
នៅពេលដែលលោកអ្នកចុះឈ្មោះប្រើប្រាស់គណនី និងខណៈពេលដែលលោកអ្នកជាម្ចាស់អ៉ីអនកាត លោកអ្នកយល់ព្រមថា ធនាគារឯកទេស អ៉ីអន អាចធ្វើការប្រមូលព័ត៌មាន ពីលោកអ្នកដូចជា៖
ធនាគារឯកទេស អ៉ីអន ជាកម្មសិទ្ធិករតែម្នាក់គត់នៃព័ត៌មាន ដែលប្រមូលបានលើសេវាកម្មអ៉ីអនកាតម៉ូបាល។ លើសពីនេះទៅទៀត ធនាគារឯកទេស អ៉ីអន នឹងមិនលក់ ចែករំលែក ឬ ជួលព័ត៌មានទាំងនោះទៅឲ្យបុគ្គលដទៃ តាមគ្រប់រូបភាព ក្រៅពីខ្លឹមសារដែលមានចែងក្នុងប្រការ ៤ ខាងលើឡើយ ។
៨). របៀបដែល ធនាគារឯកទេស អ៉ីអន ប្រើប្រាស់ព័ត៌មានដែលប្រមូលបាន
ធនាគារឯកទេស អ៉ីអន អាចប្រមូលព័ត៌មានពីលោកអ្នក ក្នុងគោលបំណងដូចខាងក្រោម៖
៩). ច្បាប់គ្រប់គ្រង
ខ្លឹមសារ និងលក្ខខណ្ឌនេះត្រូវគ្រប់គ្រង និងបកស្រាយស្របតាមច្បាប់នៃព្រះរាជាណាចក្រកម្ពុជា។
១០). ការផ្ដល់យោបល់ និងចម្ងល់ផ្សេងៗ
ធនាគារឯកទេស អ៉ីអន ធ្វើការប្តេជ្ញាចិត្តដើម្បីថែរក្សា និងការពាររាល់ព័ត៌មានដែលប្រមូលបាន និងគ្រប់គ្រងដោយ ធនាគារឯកទេស អ៉ីអន និងរង់ចាំទទួលយកការគាំទ្ររបស់លោកអ្នកជាបន្តបន្ទាប់។ ក្នុងករណីដែលមានការផ្ដល់យោបល់ ឬ ចម្ងល់ផ្សេងៗទាក់ទងនឹងការការពាររាល់ព័ត៌មានរបស់លោកអ្នក សូមទាក់ទងមកកាន់យើងខ្ញុំ តាមរយៈទូរស័ព្ទលេខ៖ (+៨៥៥) ២៣ ៩៨៨ ៥៥៥។
សេចក្តីផ្តើម
នេះ ជាខ្លឹមសារ និងលក្ខខណ្ឌ កម្មវិធីអ៉ីអនកាតម៉ូបាល សូមធ្វើការពិចារណាដោយប្រុងប្រយ័ត្នមុននឹងលោកអ្នកចាប់ផ្តើមប្រើប្រាស់។ នៅពេលដែលលោកអ្នកចូលទៅកាន់ និងប្រើប្រាស់កម្មវិធីនេះ ដោយចុចលើពាក្យ “យល់ព្រម” នោះមានន័យថា លោកអ្នកបានយល់ព្រម និងអនុវត្តតាមខ្លឹមសារ និងលក្ខខណ្ឌរបស់ កម្មវិធីអ៉ីអនកាតម៉ូបាល ។ ប្រសិនបើលោកអ្នកមិនយល់ ឬ មិនច្បាស់លាស់អំពី
ខ្លឹមសារ និងលក្ខខណ្ឌនេះ សូមធ្វើការទំនាក់ទំនងមកកាន់ ធនាគារឯកទេស អ៉ីអន (ខេមបូឌា) ភីអិលស៊ី ដើម្បីសុំសេចក្តីបញ្ជាក់ និងព័ត៌មានបន្ថែម តាមរយៈទូរស័ព្ទលេខ ០២៣ ៩៨៨ ៥៥៥។
ខ្លឹមសារ និងលក្ខខណ្ឌនេះ ជាការព្រមព្រៀងរវាងលោកអ្នក និង ធនាគារឯកទេស អ៉ីអន ហើយវានឹងអនុវត្តលើការប្រើប្រាស់របស់លោកអ្នកលើកម្មវិធីអ៉ីអនកាតម៉ូបាល និងផលិតផល និង សេវាកម្មនានា ដែលផ្តល់ដោយអាជីវករ ឬ ដៃគូរសហការរបស់ ធនាគារឯកទេស អ៉ីអន។ ប្រសិនបើលោកអ្នកមិនយល់ព្រមគោរពតាមលក្ខខណ្ឌ ដែលបានចែងនេះទេ សូមកុំប្រើ ឬបន្តដំណើរការលើផលិតផល និងសេវាកម្មទាំងនេះ។
លោកអ្នកត្រូវអាន យល់ព្រម និងទទួលយកនូវគ្រប់ខ្លឹមសារ និងលក្ខខណ្ឌ ដែលមាននៅទីនេះ និងព័ត៌មានឯកជន មុនពេលដែលលោកអ្នកប្រើប្រាស់កម្មវិធីអ៉ីអនកាតម៉ូបាល។ ធនាគារឯកទេស អ៉ីអន សូមផ្តល់យោបល់ថា ពេលដែលលោកអ្នកបានអានខ្លឹមសារ និងលក្ខខណ្ឌ លោកអ្នកត្រូវអាននូវព័ត៌មាន ដែលមានភ្ជាប់ក្នុងទំព័រផ្សេងៗ និងចូលកាន់គេហទំព័រ ដែលបានយោងនៅក្នុងឯកសារនេះ ព្រោះអាចមានខ្លឹមសារ និងលក្ខខណ្ឌត្រូវបានបន្ថែម ដែលនឹងត្រូវអនុវត្តលើលោកអ្នក ក្នុងនាមជាអ្នកប្រើអ៉ីអនកាតម៉ូបាល ។
ធនាគារឯកទេស អ៉ីអន រក្សាសិទ្ធិក្នុងការកែប្រែខ្លឹមសារ និងលក្ខខណ្ឌទាំងនេះគ្រប់ពេល ដោយបញ្ចូលខ្លឹមសារ និងលក្ខខណ្ឌនៅលើ គេហទំព័រ ធនាគារឯកទេស អ៉ីអន ដោយមិនចាំបាច់ជូនដំណឹងជាមុន។ លោកអ្នក បានយល់ព្រមថា នឹងពិនិត្យនូវរាល់ខ្លឹមសារ និងលក្ខខណ្ឌ ដែលមានចែងជាទៀងទាត់ ហើយលោកអ្នកព្រមទទួលយកការកែប្រែខ្លឹមសារ និងលក្ខខណ្ឌនានានៃកម្មវិធី ក្នុងកំឡុងពេលលោកអ្នកប្រើប្រាស់។
១). និយមន័យ
២). តើអ្វីទៅជាអ៉ីអនកាតម៉ូបាល ?
អ៉ីអនកាតម៉ូបាល ជាកម្មវិធីសម្រាប់ស្មាតហ្វូន ឬទូរស័ព្ទដទៃទៀត ដែលអនុញ្ញាតឲ្យទាញយក ដើម្បីឲ្យលោកអ្នកជា ម្ចាស់អ៉ីអនកាត អាចប្រើប្រាស់កម្មវិធីនេះ សម្រាប់គ្រប់គ្រងអ៉ីអនកាតរបស់ខ្លួន ឬធ្វើការទូទាត់ក្រោមស្លាកសញ្ញាអ៉ីអនកាតជំនួសប័ណ្ណប្លាស្ទិក។
៣). អ្នកមានសិទ្ធិប្រើប្រាស់
៤). ការហាមឃាត់ និងសេវាកម្មដែលមាន
ដើម្បីប្រើសេវាកម្ម លោកអ្នកត្រូវចុះឈ្មោះបង្កើតគណនី ។ លោកអ្នក អាចគ្រប់គ្រងគណនីបានតែមួយប៉ុណ្ណោះ។ សេវាកម្មនេះ សម្រាប់តែបុគ្គល ឬអាជីវករ ដែលអាចចុះកិច្ចសន្យាចងកាតព្វកិច្ចផ្លូវច្បាប់តែប៉ុណ្ណោះ។ ដោយមិនទាន់គិតដល់ការលើកឡើងខាងលើ សេវាកម្មនឹងមិនត្រូវបានអនុញ្ញាតឲ្យប្រើចំពោះបុគ្គលទាំងឡាយណា ដែលធនាគារឯកទេស អ៉ីអន បានផ្អាកមិនឲ្យប្រើប្រាស់សេវាកម្មណាមួយ ឬ បុគ្គលមានហានិភ័យឥណទាន ដែលមិនអាចឲ្យប្រើប្រាស់សេវានេះបាន ។
លោកអ្នក ត្រូវបានអនុញ្ញាតឲ្យប្រើប្រាស់មុខងារនៅក្នុងកម្មវិធីអ៉ីអនកាតម៉ូបាល ដូចខាងក្រោម៖
លោកអ្នក មិនត្រូវប្រើប្រាស់កម្មវិធី ក្នុងគោលបំណងដូចខាងក្រោម៖
ក). សកម្មភាពខុសច្បាប់ ឬមិនស្របច្បាប់ ឬការក្លែងបន្លំ ឬធ្វើឲ្យនរណាម្នាក់រងគ្រោះ ឬការលើកកម្ពស់សកម្មភាពឧក្រិដ្ឋណាមួយ។
ខ). សកម្មភាពជាការបង្ខូចកេរ្តិ៍ឈ្មោះ ការរំខានយាយី ឬការគំរាមកំហែង ឬការរំលោភបំពានសិទ្ធិដល់អ្នកដទៃ។ សកម្មភាពនេះ ក៏រួមបញ្ចូលព័ត៌មានទាំងឡាយណា ដែលលោកអ្នកអាចបន្ថែម ឬបញ្ចូលទៅក្នុងកម្មវិធី។
គ). ការជ្រៀតចូលរំខាន ដោយមធ្យោបាយណាមួយ ជាមួយបុគ្គលដទៃទៀត ដែលប្រើប្រាស់កម្មវិធី និង / ឬ
ឃ). បញ្ចូលមេរោគ ឬសារធាតុគ្រោះថ្នាក់ ឬអ្វីដែលធ្វើអោយខូចប្រយោជន៍ ឬប្រើវាដើម្បីភ្ជាប់ការទំនាក់ទំនងទាំងឡាយណាដោយគ្មានការយល់ព្រម។
លោកអ្នក មិនត្រូវប្រើកម្មវិធី ក្នុងមធ្យោបាយណាមួយ ដែលអាចធ្វើឱ្យខូចខាត ឬអន់ថយដល់កម្មវិធី សេវាកម្ម ឬប្រព័ន្ធ និងសុវត្ថិភាពរបស់ ធនាគារឯកទេស អ៉ីអន។
ដោយសារសុវត្ថិភាពនៃកម្មវិធីនេះគឺជាផ្នែកដែលមានសារៈសំខាន់ជាងគេ។ លោកអ្នក ត្រូវរក្សាទុកឧបករណ៍លោកអ្នកឲ្យមានសុវត្ថិភាព និងត្រូវបិទកម្មវិធីបន្ទាប់ពីប្រើប្រាស់រួចឲ្យបានទៀតទាត់។ លោកអ្នកត្រូវប្រាកដថា ព័ត៌មានសុវត្ថិភាព និងព័ត៌មានគណនី និងព័ត៌មានដទៃទៀត ដែលលោកអ្នកផ្តល់ជូន ធនាគារឯកទេស អ៉ីអន តាមរយៈកម្មវិធី ឬមធ្យោបាយផ្សេងៗ គឺគ្រប់គ្រាន់ ត្រឹមត្រូវ ហើយជាព័ត៌មានចុងក្រោយបង្អស់។
៥). ទំនាក់ទំនងផ្នែកច្បាប់រវាងលោកអ្នក និងធនាគារឯកទេស អ៉ីអន
ក). ការផ្ទៀងផ្ទាត់អត្តសញ្ញាណ៖ ធនាគារឯកទេស អ៉ីអន ប្រើប្រាស់វិធីសាស្រ្តនានា ដើម្បីកំណត់អត្តសញ្ញាណអតិថិជនខ្លួន នៅពេលដែលគាត់ចុះឈ្មោះបង្កើតគណនីក្នុងកម្មវិធីអ៉ីអនកាតម៉ូបាល។ សូមយល់ថា ការផ្ទៀងផ្ទាត់អត្តសញ្ញាណលោកអ្នក ដើម្បីធានាថា អត្តសញ្ញាណលោកអ្នកមានភាពត្រឹមត្រូវច្រើន។ លោកអ្នក អនុញ្ញាតឲ្យអ៉ីអនកាតម៉ូបាល ស្វែងរកព័ត៌មានបន្ថែមណាមួយដោយផ្ទាល់ ឬតាមរយៈភាគីទីបីដែល ធនាគារឯកទេស អ៉ីអន យល់ថាមានភាពចាំបាច់ក្នុងការផ្ទៀងផ្ទាត់ចំពោះការចុះឈ្មោះបង្កើតគណនី។ តែដោយហេតុថា ដំណើរការផ្ទៀងផ្ទាត់មានការពិបាក ធនាគារឯកទេស អ៉ីអន មិនអាចកំណត់អត្តសញ្ញាណ និងមិនធានាលើអត្តសញ្ញាណរបស់លោកអ្នកទេ។
ខ). ដែនកំណត់នៃការទទួលខុសត្រូវ៖ ទោះក្នុងករណីណាក៏ដោយ ធនាគារឯកទេស អ៉ីអន ក្រុមហ៊ុនមេរបស់ ធនាគារឯកទេស អ៉ីអន ក្រុមហ៊ុនបុត្រសម្ព័ន្ធ បុគ្គលិកក្រុមហ៊ុន ឬ ភាគីផ្គត់ផ្គង់សេវាកម្មឲ្យ ធនាគារឯកទេស អ៉ីអន នឹងមិនទទួលខុសត្រូវរាល់ការបាត់បង់ប្រាក់ចំណេញ ឬផលប៉ះពាល់ខូចខាតពិសេសណាមួយ ដោយចៃដន្យ ឬផលវិបាកនៃការខូចខាតឡើយ ។
គ). សំណងជំងឺចិត្ត៖ លោកអ្នក យល់ព្រមសងសំណងជំងឺចិត្ត និងមិនបង្កគ្រោះថ្នាក់ដល់ធនាគារឯកទេស អ៉ីអន ក្រុមហ៊ុនមេរបស់ ធនាគារឯកទេស អ៉ីអន ក្រុមហ៊ុនបុត្រសម្ព័ន្ធ នាយក អ្នកគ្រប់គ្រង និង បុគ្គលិកក្រុមហ៊ុន ពីការទាមទារ ឬតម្រូវការណាមួយ (រួមទាំងកម្រៃសេវាមេធាវី) ដែលធ្វើឡើងដោយខ្លួនឯង ឬដោយភាគីទីបី ដោយសារតែ ឬកើតចេញពីការបំពានលើខ្លឹមសារ និងលក្ខខណ្ឌនេះ ឬឯកសារ ដែលពាក់ព័ន្ធ យោងជាមួយខ្លឹមសារ និងលក្ខខណ្ឌ ឬការរំលោភបំពានច្បាប់ ឬរំលោភបំពានសិទ្ធិរបស់ភាគីទីបី ដែលជាប់ទាក់ទងនឹងការប្រើប្រាស់សេវាកម្ម ឬផលិតផល ។
ឃ). ការទទួលខុសត្រូវចំពោះការបំពាន៖ ធនាគារឯកទេស អ៉ីអន អាចពិន័យលោកអ្នក ប្រសិនបើលោកអ្នកប្រពឹ្រត្ត ដូចមានពន្យល់ខាងក្រោម៖
លោកអ្នក និង ធនាគារឯកទេស អ៉ីអន យល់ព្រមថា រាល់ការខូចខាតដែល ធនាគារឯកទេស អ៉ីអន បានទទួលរង ដោយសារការប្រព្រឹត្តិរបស់លោកអ្នកដូចបានរៀបរាប់ខាងលើ នឹងមានទំហំធំ ទំហំនោះអាចរាប់បញ្ចូលរាល់ការពិន័យ (ដោយមិនកំណត់) និងការចំណាយដទៃទៀត ពីប្រតិបត្តិករទូទាត់ និងភាគីផ្គត់ផ្គង់សេវាកម្ម។ ធនាគារឯកទេស អ៉ីអន នឹងពិន័យជាសាច់ប្រាក់ក្នុងចំនួនណាមួយ ក្នុងករណីដែលលោកអ្នកពាក់ព័ន្ធនឹងសកម្មភាពប្រព្រឹត្តបែបនេះ ។
ប្រសិនបើលោកអ្នកប្រើ អ៉ីអនកាតម៉ូបាល ដោយរំលោភបំពានលើខ្លឹមសារ និងលក្ខខណ្ឌ រួមបញ្ចូលប៉ុន្តែមិនកំណត់ចំពោះចំណុចទាំងបី ដែលបានរៀបរាប់ខាងលើ គណនីលោកអ្នកនឹងត្រូវបានដាក់កំហិត ឬបញ្ឈប់ភ្លាមៗ។
ដោយមិនកំណត់ត្រឹមអ្វីដែលបានចែងខាងលើ លោកអ្នកយល់ព្រមសងសំណងដល់ ធនាគារឯកទេស អ៉ីអន លើថ្លៃសេវា ការចំណាយ រួមទាំងការពិន័យណាមួយ ឬទាំងអស់ ដែលដាក់ពិន័យដោយប្រតិបត្តិករទូទាត់ និង / ឬ ភាគីផ្គត់ផ្គង់សេវាកម្ម ដែលបង្កឡើងដោយសកម្មភាពលោកអ្នក។ លោកអ្នក យល់ព្រមថា ប្រសិនបើលោកអ្នក ឬ ធនាគារឯកទេស អ៉ីអន ចាប់ផ្តើមបណ្តឹងទៅតុលាការ ឬចាប់ផ្តើមបណ្តឹងទៅអាជ្ញាកណ្តាល ដូចមានចែងក្នុងកថាខណ្ឌនេះ ភាគីដែលឈ្នះមានសិទ្ធិទទួលយកកម្រៃសេវាមេធាវី និងការចំណាយដទៃទៀត ដែលបានចំណាយក្នុងដំណើរការនីតិវិធីនេះ បន្ថែមពីលើបន្ទុកផ្សេងទៀត ដែលភាគីឈ្នះ ត្រូវមានសិទ្ធិទទួលបាន។
៦). ជម្លោះលើការទូទាត់
ក). ការតវ៉ាណាមួយដែលមិនជាប់ទាក់ទងនឹងសេវាកម្មទូទាត់ ឬមិនជាប់ទាក់ទងទៅលើប្រតិបត្តិការជាក់លាក់ណាមួយ (ឧទាហរណ៍ អំពីគុណភាពនៃទំនិញ ឬសេវាកម្មដែលទទួលបានពីអាជីវករ) ត្រូវដោះស្រាយដោយផ្ទាល់ជាមួយភាគីទីបីដែលពាក់ព័ន្ធ (អាជីវករ) ។
ខ). ធនាគារឯកទេស អ៉ីអន ទទួលយកការតវ៉ាដោយហ្មត់ចត់ និងផ្តល់តម្លៃ ដែលលោកអ្នកផ្តល់ឲ្យ ក្នុងការជួយពិនិត្យឡើងវិញ នូវវិធីសាស្រ្តដែល ធនាគារឯកទេស អ៉ីអន ដំណើរការអាជីវកម្មរបស់ខ្លួន និងដើម្បីជួយបំពេញសេចក្តីត្រូវការរបស់អតិថិជន។ គោលបំណងចម្បងរបស់ ធនាគារឯកទេស អ៉ីអន គឺដោះស្រាយរាល់ការតវ៉ាដែលលោកអ្នកមានឲ្យបានឆាប់រហ័ស និងប្រកបដោយប្រសិទ្ធិភាពខ្ពស់តាមដែលអាចធ្វើបាន និងចុងក្រោយធ្វើការចងក្រងជាឯកសារក្នុងគោលនយោបាយដោះស្រាយបណ្តឹង ។
៧). ការប្រឆាំងការសម្អាតប្រាក់ / ហិរញ្ញប្បទានភេរវកម្ម
បណ្តាច្បាប់នានា ដែលជាគោលការណ៍ចេញដោយ ធនាគារជាតិនៃកម្ពុជា ក្នុងគោលបំណងរារាំង និងកំណត់ការប្រើប្រាស់សេវាកម្មហិរញ្ញវត្ថុ ដើម្បីសម្អាតប្រាក់ ឬដើម្បីផ្តល់ហិរញ្ញប្បទានភេរវកម្ម។ អ្នកកំណត់ច្បាប់ស្ដង់ដារជាសកលសម្រាប់ AML/CFT គឺស្ថិតនៅក្នុងស្ថាប័ន Financial Action Task Force (FATF) ។
ក្នុងករណីណាមួយ ដែលធនាគារឯកទេស អ៉ីអន សង្ស័យថាប្រតិបត្តិការលោកអ្នកណាមួយ រំលោភលើច្បាប់ជាតិ និងអន្តរជាតិ លោកអ្នកបានយល់ព្រមឲ្យ ធនាគារឯកទេស អ៉ីអន ពន្យារពេល បញ្ឈប់ ឬបដិសេធមិនដំណើរការប្រតិបត្តិការ ហើយរាយការណ៍ទៅភាគីពាក់ព័ន្ធ។ នៅពេលធនាគារឯកទេស អ៉ីអន ស្នើសុំ លោកអ្នកបានយល់ព្រមផ្តល់ព័ត៌មានទាំងអស់ ជូនធនាគារឯកទេស អ៉ីអន ឲ្យបានទាន់ពេលវេលាក្នុងហេតុផលសមរម្យ ដើម្បីគោរពតាមច្បាប់ និងបទបញ្ញត្តិទាំងអស់ ដែលមានជាប់ទាក់ទងនឹងការសម្អាតប្រាក់។
៨). ការបញ្ចប់ ឬលុបចោល អ៉ីអនកាតម៉ូបាល
ប្រសិនបើលោកអ្នកសម្រេចចិត្តបញ្ចប់ការប្រើប្រាស់សេវាកម្មអ៉ីអនកាតម៉ូបាល៖
៩). ដំណើរការប្រើប្រាស់ អ៉ីអនកាតម៉ូបាល
របៀបប្រើប្រាស់ គឺចងកាតព្វកិច្ចរវាងលោកអ្នក ជាមួយនឹង ធនាគារឯកទេស អ៉ីអន។ សម្រាប់របៀបប្រើប្រាស់អ៉ីអនកាតម៉ូបាល លម្អិត សូមពិនិត្យមើល របៀបប្រើប្រាស់ អ៉ីអនកាតម៉ូបាល។
១០). ការប្រាក់ និង កម្រៃសេវា
គណនីអ៉ីអនកាតម៉ូបាល គឺប្រើក្រោមរូបភាពគណនីអ៉ីអនកាត។ ដូចនេះ ធនាគារឯកទេស អ៉ីអន មិនយកការប្រាក់ ឬកម្រៃសេវាផ្សេងៗពីលោកអ្នកទេ។ ទោះយ៉ាងណាក៏ដោយ ប្រសិនបើលោកអ្នកប្រើអ៉ីអនកាតក្នុងគោលបំណងណាមួយ កម្រៃសេវានឹងត្រូវគិត ដូចមានរៀបរាប់នៅក្នុងកិច្ចព្រមព្រៀងរវាង ធនាគារឯកទេស អ៉ីអន និងម្ចាស់អ៉ីអនកាត។
១១). ច្បាប់គ្រប់គ្រង
ខ្លឹមសារ និងលក្ខខណ្ឌនេះត្រូវគ្រប់គ្រង និងបកស្រាយស្របតាមច្បាប់នៃព្រះរាជាណាចក្រកម្ពុជា ។
១២). ការផ្តល់យោបល់ និងចម្ងល់ផ្សេងៗ
ធនាគារឯកទេស អ៉ីអន ធ្វើការប្តេជ្ញាចិត្តដើម្បីថែរក្សា និងការពាររាល់ព័ត៌មានដែលប្រមូលបាន និងគ្រប់គ្រងដោយ ធនាគារឯកទេស អ៉ីអន និងរង់ចាំទទួលយកការគាំទ្ររបស់លោកអ្នកជាបន្តបន្ទាប់។ ក្នុងករណីដែលមានការផ្ដល់យោបល់ ឬ ចម្ងល់ផ្សេងៗទាក់ទងនឹងការការពាររាល់ព័ត៌មានរបស់លោកអ្នក សូមទាក់ទងមកកាន់យើងខ្ញុំ តាមរយៈទូរស័ព្ទលេខ៖ (+៨៥៥) ២៣ ៩៨៨ ៥៥៥។
