ព្រឹត្តិការណ៍ទីក្រុងស្អាត ២០២៤
កាលពីថ្ងៃទី១៩ ខែមេសា ឆ្នាំ២០២៤ ធនាគារឯកទេស អ៊ីអន (ខេមបូឌា) ភីអិលស៊ី បានរៀបចំព្រឹត្តិការណ៍ទីក្រុងស្អាត ដែលបានចូលរួមដោយ ថ្នាក់ដឹកនាំ រួមជាមួយបុគ្គលិករបស់ ធនាគារឯកទេស អ៊ីអន ចំនួន ១២៨ នាក់ ដើម្បីធ្វើការរើសសម្រាមរឹងសម្អាតទីក្រុង នៅទីតាំងសំខាន់ៗចំនួន ៣កន្លែង រួមមាន សួនច្បារវត្តបទុម សួនច្បារលោកតាក្រមង៉ុយ និងសួនច្បារសម្តេច ហ៊ុនសែន។ ព្រឹត្តិការណ៍ទីក្រុងស្អាតនេះមានគោលបំណងក្រើនរំលឹក ក៏ដូចជាជម្រុញឲ្យបុគ្គលិករបស់ ធនាគារឯកទេស អ៊ីអន ក៏ដូចជាប្រជាពលរដ្ឋទូទៅចូលរួមថែរក្សាទីក្រុងស្អាត សហគមន៍បៃតង ដែលជាកាតព្វកិច្ចរបស់ពួកយើងដែលរស់នៅក្នុងសហគមន៍នេះ។ គំនិតផ្តួចផ្តើមនេះ ត្រូវបានបង្កើតដោយឈរលើគោលការមូលដ្ឋានមួយរបស់ ធនាគារឯកទេស អ៊ីអន (ខេមបូឌា) ភីអិលស៊ី គឺការឲ្យតម្លៃសំខាន់ទៅលើទំនួលខុសត្រូវផ្នែកសង្គម ដើម្បីថែរក្សាសង្គមដែលយើងកំពុងរស់នៅ ជាពិសេសផ្នែកបរិស្ថាន និងការអប់រំ។
