ធនាគារឯកទេស អ៉ីអន (ខេមបូឌា) ភីអិលស៊ី បើកសម្ពោធទីតាំងថ្មីរបស់សាខា រាជធានីភ្នំពេញ ជាផ្លូវការ
ធនាគារឯកទេស អ៉ីអន (ខេមបូឌា) ភីអិលស៊ី បានប្រារព្ធពិធីសូត្រមន្តដំឡើងរាសី ដាក់ឲ្យដំណើរការជាផ្លូវការ ទីតាំងថ្មីរបស់សាខារាជធានីភ្នំពេញ ដែលស្ថិតក្រោមការចូលរួមកាត់ខ្សែបូពីលោកអគ្គនាយក នៃធនាគារឯកទេស អ៉ីអន (ខេមបូឌា) ភីអិលស៊ី លោក Junji Noda អគ្គនាយកប្រតិបត្តិ លោក Shuji Taniguchi និង ប្រធាននាយកដ្ឋានសេវាហិរញ្ញវត្ថុ លោក ផន វ៉ាន់ដេត។
ការដាក់បើកសម្ពោធជាផ្លូវការរបស់ ធនាគារឯកទេស អ៉ីអន (ខេមបូឌា) ភីអិលស៊ី សាខា រាជធានីភ្នំពេញ ធ្វើឡើងនៅថ្ងៃទី៦ ខែកុម្ភៈ ឆ្នាំ២០២៣ និងក្នុងគោលបំណងជួយបង្កើនការបម្រើសេវាកម្មជូនដល់អតិថិជនឲ្យកាន់តែមានភាពងាយស្រួល និងឆាប់រហ័ស ដោយផ្តល់នូវទីតាំងធំជាងមុន ងាយស្រួលជាងមុន។ សាខារាជធានីភ្នំពេញ មានបម្រើសេវាកម្មជូនអតិថិជនដូចជា កម្ចីសាច់ប្រាក់ អ៉ីអនកាត និងសេវាកម្មបង់រំលស់។ ទីតាំថ្មីនេះមានទីតាំងស្ថិតនៅ ផ្ទះលេខ២៣៩ ២៣៩ដេ ២៣៩អឺ & ២៣៩អេហ្វ មហាវិថីម៉ៅសេទុង ភូមិ៦ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។
ធនាគារឯកទេស អ៉ីអន (ខេមបូឌា) ភីអិលស៊ី សូមគោរពថ្លែងអំណរគុណ ដល់អតិថិជនទាំងអស់ដែលបានគាំទ្រ និងប្រើប្រាស់សេវាកម្មហិរញ្ញវត្ថុយើងខ្ញុំរហូតមក៕
